ମୁଁ ମୋ ବିନା

ଜୋଛ୍ଛନା ରାତିର ପୁନେଇଁ ଚାନ୍ଦଟା 

ତୁମକଥା କହୁଥିଲା 

ଚୁପ୍ ଚାପ୍ ଆସି ଅଗଣାରେ ମୋର 

ଈଶାରା ସେ କରିଗଲା। 

ତୁମେ ଭାବୁଥିଲ ମୋ କଥାକି କୁହ 

ବୁଡିଥିଲ କଳ୍ପନାରେ 

ଧିର ସମୀରଣ ତୁମ ଦେହଛୁଇଁ 

ମୋ କାନରେ କହେ ଧିରେ। 

ଅବଶେ ପ୍ରିୟାତୋ ଦୂର ରାଇଜରେ 

ବିରସ ବଦନ ଭରେ 

ବାଟ ତୋର ଚାହିଁ ଆଖିର କଜଳ 

ବୋହିଯାଏ ଲୁହଧାରେ। 

କହିଲି ଚାନ୍ଦିନୀ କଥାକି ରଖିବୁ 

କହିବୁ ପ୍ରିୟାକୁ ମୋର 

ହୃଦୟେ ସେପରା ଗାରଟେ ଟାଣିଛି 

ନିଜଠୁ ଅତି ନିଜର। 

ବିରହ ପ୍ରିୟାର ହୃଦୟେ ମୋବାଜେ 

ପ୍ରିୟାବିନା ତନୁକ୍ଷୀଣ 

ଚାନ୍ଦଲୋ କହିବୁ କାନ୍ଦିବନି ବୋଲି 

ମନେପଡେ ପ୍ରତିକ୍ଷଣ। 

ହସିକି ଚାନ୍ଦିନୀ ଆଶ୍ବାସନା ଦେଲା 

ଯିବି ବୁଲି ପ୍ରିୟାଘର 

ଝରକା ଫାଙ୍କରେ ଧିର ସମୀରଣେ

ସପନେ ଆସିବି ତା'ର ।

ଚୁପି ଚୁପି କାନେ କହିବି ନିଶ୍ଚୟ 

ତୁମ ବିରହ ବାରତା 

ଭଲପାଅ କେତେ ମନଭରି ତୁମେ 

ଜଣାଇବି ମନକଥା। 

ନିଜକୁ ଖୋଜ 

ନିଜକୁ ଭଲପାଅ

ଖୁସିରେ ରୁହ 

Love others give great pain.