ଜୟ ବିଜ୍ଞାନ ଜୟ

ବୁଝି ପାରୁନି ଗୋଟିଏ କଥା ଭାବି ବସେ ମୁଁ ଯେବେ

ଆଇ ମାଆ କଥା ସତ ନା ଯାହା ଦେଖୁଛୁ ଆମେ ଏବେ |

ଆଇ ମାଆ କଥା କାହାଣୀ ପରି ଲାଗେ ଆମକୁ ଆଜି,

ଧାନ କୁଟିବା ସୁତା କାଟିବା ପାଉନୁ କାହିଁ ଖୋଜି |

ଆମେ ତ ଉଡୁ ଆକାଶେ ଆଜି ସତେକି ଗୋଟେ ପକ୍ଷୀ

ବୁଡାଜାହାଜେ ଖୋଜି ଆଣୁଛୁ ସାଗର ତଳୁ ମୋତି |

ରକେଟ୍ ଚଢ଼ି ଆସିଲୁ ଆମେ ଜହ୍ନମାମୁଁଙ୍କୁ ଛୁଇଁ

ମଙ୍ଗଳ ଗ୍ରହେ ଭାବୁଛୁ ଆମେ ଘର କରିବୁ ଯାଇ |

ରାଡାର୍ ଦିଏ ପାଣିପାଗର ଆଗୁଆ ସତର୍କତା

ମଣିଷ ପାଖେ ହାର୍ ମାନୁଛି ବଢି ,ମରୁଡି,ବାତ୍ୟା |

ସମ୍ବାଦପତ୍ରୁ ଜାଣୁଛୁ ଆମେ ସାରା ବିଶ୍ୱର ବାର୍ତ୍ତା,

ବିଶ୍ୱଆଜି କ୍ଷୁଦ୍ର କେତେ ଭାବିଲେ ଘୁରେ ମଥା |

ସବୁରି ଘରେ ବିଜ୍ଞାନ ରାଜ୍ ଚାଲିଛି ଆଜିକାଲି

ଟି.ଭି,ଫୋନ୍ ଓଫ୍ରିଜ୍ କୁ ଛାଡି ପାରିବ କିଏ ଚଳି

ଲ୍ୟାପ୍ ଟପ ଓ କମ୍ପ୍ୟୁଟରରେ ପଢନ୍ତି ପିଲେ ପାଠ

ନେଟ୍ ରେ ଦେଖି ଜାଣି ପାରନ୍ତି ସାରା ବିଶ୍ୱର ଚାର୍ଟ |

ସାଟେଲାଇଟ୍ ଯୋଗାଇଥାଏ ମହାକାଶରୁ ବାର୍ତ୍ତା,

କିଏ ବା ଏବେ ଜାଣିନି କହ ଫାକ୍ସ ଇମେଲ୍ କଥା |

କୃଷିକ୍ଷେତ୍ରରେ ଟ୍ରାକ୍ ଟରରେ କରଇ ଚାଷୀ ହଳ

ରୋଇବା ପାଇଁ ଅମଳ ପାଇଁ ସବୁରି ପାଇଁ କଳ |

କେତେଯେ ଯନ୍ତ୍ର ବାହାରିଲାଣି ରୋଗ ଚିକିତ୍ସା ପାଇଁ

ଚିକିତ୍ସା କ୍ଷେତ୍ରେ ବିଜ୍ଞାନରତ ତୁଳନା କିଛି ନାହିଁ |

ଟୁଇଟରରେ ଟୁଇଟ୍ କରି ନିଜ ମନର କଥା,

ବିଶ୍ୱବାସୀଙ୍କୁ ଜଣାଉଛନ୍ତି ହେଉ ଜନତା ନେତା |

ଯୁଆଡେ ତୁମେ ଚାହିଁଲେ ଦେଖ ତାହାର କରାମତି

ବିଜ୍ଞାନ ତେଣୁ କହୁଛି ଆଜି ଫୁଲାଇ ତାର ଛାତି l

ବିଶ୍ୱ ଆଜି ନିଃଶ୍ୱ ହେବ ଦୂରେଇ ଦେଲେ ମୋତେ

କଥାରେ କିଏ ପାରିବ କହି ମୋହରି ଦାନ କେତେ l

ଆହୁରି ତୁମେ ଆଗକୁ ଯାଅ ହେଉ ତୁମର ଜୟ

ଜୟ ବିଜ୍ଞାନ ଜୟବିଜ୍ଞାନ ଜୟବିଜ୍ଞାନ ଜୟ |