ଲଷ୍ମୀବଧୁ

ଲଷ୍ମୀବଧୁ ଆଖ୍ୟା ଜୀବନର ଦୀକ୍ଷା ସକଳ ଦୁହିତା ପାଇଁ

ଦୁଇ କୁଳ ହିତା ଦୁଇ କୁଳ ପିତା ଗୁଣ କର୍ମେ ବିକଶଇ ।

ବିବାହ ବନ୍ଧନ ବିଧାତାଙ୍କ ଦାନ ଅତୁଟ ଅମ୍ଳାନ ରହେ

ବୈଶିଷ୍ଟ୍ୟ ପାଳନେ ନାରୀ ଅବଦାନେ ସଦା ମଧୁମୟ ହୁଏ। ।

କ୍ଷୀପ୍ରତା ଦକ୍ଷତା ଦୃଢ଼ ବୁଦ୍ଧିମତା ପ୍ରେରଣା ଗୁଣ ଆଦରି

ସଂରକ୍ଷଣ ଭାବ ନାଶଇ ଅଭାବ ଶ୍ରୀ ଯୁକ୍ତା ହୁଏ ନାରୀ ।

ସୁଖ ଶାନ୍ତି ତୃପ୍ତି ଅସରା ସମ୍ପତି ଉର୍ଣ୍ଣତିର ମହାର୍ଣ୍ଣବ

ବୋଧ ବିବେଚନା ବଧୁର ଉପମା ବହନ ସହନ ଭାବ ।

ସ୍ୱାମୀ ପରିବାର ନିଜଠୁ ନିଜର କର୍ମେ ଧର୍ମେ ପରକାଶେ

ସଂସାରର ସେବା ଅଲିଭା ପ୍ରତିଭା ଗୁରୁଜନ ପରିବେଶେ ।

ସହଅନୁଭୁତି ପରିଜନ ପ୍ରୀତି ଭରସା ସଉଧ ତୋଳେ

ବାକ୍ୟ ବ୍ୟବହାର ସରସ ସୁନ୍ଦର ସାହି ପଡ଼ିଶାଙ୍କ ମେଳେ।

ଆଶିଷ କରୁଣା ହୁଏ ନାହିଁ ଉଣା ପୀୟୂଷର ସମ ଝରେ

ସତୀ ଶିରୋମଣି ନାରୀ ଅର୍ଦ୍ଧାଙ୍ଗିନୀ ସଂସାର ଜୀବନ ଭରେ।