ଆଜି ଗୁରୁବାର

ଆଜି ଗୁରୁବାର   ମାସ ମାର୍ଗଶୀର

   ଲକ୍ଷ୍ମୀଦେବୀ ଙ୍କର ପୂଜା

ପ୍ରାତଃ କାଳୁ ଉଠି ସ୍ନାନ ଆଦି ସାରି

   ଘରକୁ ସୁନ୍ଦର ସଜା l

ମହାଲକ୍ଷ୍ମୀ ପରା ବିଜେ ହେବେ ଆଜି

   ସୁନ୍ଦର ଝୋଟି ପକାଅ

ମାଣ ଓ ଖଟୁଳି   ଧୁଆ, ଧୋଇ କରି

    ଧନ, ଧାନ୍ୟ ରେ ସଜାଅ l

ଶୁକ୍ଳ ବସ୍ତ୍ର ସର୍ବେ  କର ପରିଧାନ

   ଲକ୍ଷ୍ମୀ ଙ୍କୁ ନାଲିଆ ପାଟ

ନାରାୟଣ ଙ୍କର  ହଳଦିଆ ବସ୍ତ୍ର

   କଳସ ରେ ଦିଅ ଛିଟ l

ଖିରି, ପୁଳି, ମଣ୍ଡା, କାକରା, ଆରିସା

    ନଡ଼ିଆ, କଦଳୀ, ଛେନା

ଖେଚୁଡ଼ି, ଡାଲମା, ତର୍କାରୀ, ଆମ୍ବିଳ,

   ଶାଗଭଜା ଆଉ ପଣା l

ଯେତେଯାହା ଆମେ ବର୍ଷସାରା ଖାଉ

   ମାଆ ଙ୍କୁ ପରଷି ଦେବା

ମାଆ ଙ୍କର କୃପା  ହୋଇବ ଅବଶ୍ୟ

   ପାଦ, ପଦ୍ମ ପୂଜୁ ଥିବା l