ହେ ନୂଆ ବରଷ

ହେ ନୂଆ ବରଷ  ସ୍ବାଗତଂ କରୁଛୁ

    ତୁମକୁ ପୁଷ୍ପ ସମ୍ଭାରେ

ଏ ପୃଥିବୀ ବାସୀ  ଚାହିଁ ରହିଛନ୍ତି

    ନୂତନ ଗୀତ ର ସୁରେ l

ତୁମ ଆଗମନେ ଧରଣୀ ରାଣୀ ଯେ

    ସୁନ୍ଦର ପୁଷ୍ପରେ ସାଜୁ 

ବିଶ୍ୱ ପରିବାର  ଏକ ହେବା ଆମେ

     ବିଶ୍ୱରେ ଶାନ୍ତି ବିରାଜୁ l

ଆଶିଷର କୃପା    ଦିଅ ବରଷାଇ 

     ସୁଖେ ଦିନ ଯାଉ ବିତି

ତବ ଆଗମନେ  ଏ ଜୀବ ଜଗତ 

    ଲଭନ୍ତୁ ଅପାର ଶାନ୍ତି  l

କରୋନା ରୂପକ  ଭାଇରସ ଟିର

    ସ୍ଥିତି ଲୋପ ପାଇଯାଉ

ନୂତନ ବରଷେ ଆଶିଷ ଢାଳ ହେ

    ସତ୍ୟ ର ପ୍ରକାଶ ହେଉ ।

ସତ୍ୟ, ନ୍ୟାୟ, ଧର୍ମ ହୃଦୟେ ବିରାଜୁ

    ଅଧର୍ମ ର ହେଉ ନାଶ

ପରମ ପ୍ରଭୁଙ୍କ  ଦିବ୍ୟ ଚେତନାରେ

    ସଭିଏଁ କରନ୍ତୁ ବାସ l

ପୁରୁଣା ବର୍ଷର  କିଛି ବଦଭ୍ୟାସ

   ନୂଆ ବର୍ଷେ ସୁଧାରିବା

ନୂତନ ବର୍ଷରେ  ଶପଥ ଆମର

   ଶାନ୍ତି, ମୈତ୍ରୀ କୁ ବାଣ୍ଟିବା l

ନୂତନ ଉଲ୍ଲାସେ  ନବ ଉଦିପନା

    ନେଇ କରୁଛୁ ସ୍ବାଗତଂ

ଆସ ଆସ ଆହେ ନୂତନ ବରଷ

   ସୁଖ ଶାନ୍ତି ନେଇ ଆସ l