🇮🇳 🙏 ଆମ ସ୍ୱାଧୀନତା 🙏🇮🇳

ଆସ ଦେଶବାସୀ  ପାଳନ କରିବା

    ସ୍ୱାଧୀନ ଦିବସ ଆଜି

ପଞ୍ଚସ୍ତୋରୀ ବର୍ଷ ହୋଇଲା ପୁରଣ

   ପାଇଛୁ ଆମେ ଅଜାଦୀ l

ମନେ ପକାଇବା ସେଇ ଶହୀଦଙ୍କୁ

   ଯାହାଙ୍କର ବଳିଦାନେ

ସ୍ୱାଧୀନ ଭାରତେ ହସିଛୁ, ଖେଳିଛୁ

   ଖୋଜିଛୁ କି କେବେ ଦିନେ l

ଶ୍ରୀଅରବିନ୍ଦ ଓ  ଲାଲ, ବାଲ, ପାଲ

   ଅଜାଦୀ ପାଇଁ ଲଢ଼ିଲେ

ଆନ୍ଦୋଳନ ଅଗ୍ନି  ଜଳାଇ ଯିଏ କି

   ଜୟ ଧ୍ୱନି ଦେଇଥିଲେ l

ତାଙ୍କରି ପଥର  ପଥିକ ହୋଇକି

  ଗାନ୍ଧୀ, ସୁବାଷ, ନେହୁରୁ,

ସର୍ଦ୍ଦାର ବଲ୍ଲଭ  ଓ ଚନ୍ଦ୍ରଶେଖର,

   ସୁଖଦେବ, ରାଜଗୁରୁ,

ବକ୍ସି ଜଗବନ୍ଧୁ  ଖୁଦିରାମ ବୋଷ

   ଶହୀଦ ଭଗତ ସିଂ

ବାଜିରାଉତ ଓ  ଲକ୍ଷ୍ମଣ ନାୟକ,

   ରାଣୀ ଲକ୍ଷ୍ମୀବାଈ ପୁଣି l

ବ୍ରିଟିଶଙ୍କୁ ତଡି  ଦେଶକୁ ସ୍ୱାଧୀନ

   କରିଥିଲେ କେତେ କଷ୍ଟେ

ତାଙ୍କ ବଳିଦାନ  ନ ଯାଉରେ ବ୍ୟର୍ଥ

   ରଖିବା ନିଜ ସାମର୍ଥେ l

ଆଖିରେ ତାଙ୍କର  ନିଦ ବଦଳରେ

   ଥିଲା ସ୍ବପ୍ନ ସ୍ୱାଧୀନର

ସ୍ୱାଧୀନ ଭାରତ ଦେଖିବା ସୌଭାଗ୍ୟ

  ନଥିଲା ତାଙ୍କ ଭାଗ୍ୟର l

ଅନେକ ସଂଗ୍ରାମୀ ଶହୀଦ ହୋଇଲେ

   ଦେଶପାଇଁ ଲଢ଼ି ଲଢ଼ି

ଭାବିଛୁକି ଦିନେ  କେଉଁ ଅବସ୍ଥାରେ

   ବଞ୍ଚିଥିଲେ ଘର ଛାଡି l

ଶେଷରେ ସ୍ୱାଧୀନ ସୁରୁଜ ଦେଖିବା

   ତାଙ୍କ ଭାଗ୍ୟରେ ନଥିଲା

ସ୍ୱାଧୀନ ଭାରତେ ଫରଫର ହୋଇ

   ଧ୍ୱଜା ଯେବେ ଉଡୁଥିଲା l

ସେଇ ସ୍ୱାଧୀନତା ବଜାୟ ପାଇଁକି

   ଏବେବି ଅନେକ ବୀର

ସୀମାରେ ଜୀବନ ଦେଇ ଜଗିଛନ୍ତି

   ବନ୍ଦନୀୟ ହୋଇ ଚୀର l

ଆଜି ସ୍ୱାଧୀନତା  ଦିବସରେ ଆସ

   ତାଙ୍କ ଚରଣରେ ମଥା

ନୁଆଇଁ ଗାଇବା ଜୟଗୀତି ଆମେ

   ତାଙ୍କ ବୀରତ୍ୱର ଗାଥା ।