ବଦ୍ଧିର ବଳ

ପ୍ରକାର ଭେଦରେ ଯେତେ ବଳ ଅଛି

ସବୁଠାରୁ ଶ୍ରେଷ୍ଠ ବୁଦ୍ଧିର ବଳ

ତା'ର ପ୍ରୟୋଗରେ ଜୟ କରିପାରେ

ଜଣେ ବୃଦ୍ଧିମାନ ବି ଭୂମଣ୍ଡଳ ।

ବୁଦ୍ଧିର ବଳରେ ଏ ମଣିଷ ଆଜି

ଜଳ, ସ୍ଥଳ, ଆକାଶେ ବିଚରଣ

ଅନ୍ତରୀକ୍ଷେ ଗ୍ରହ, ନକ୍ଷତ୍ର ପର୍ଯ୍ୟନ୍ତ

କରି ପାରିଛି ବୁଦ୍ଧିର କ୍ଷେପଣ ।

ଏ ସାରା ଜଗତ କ୍ଷୁଦ୍ର ଅନୁଭୂତ

ହୁଅଇ ମାନବ ବୁଦ୍ଧି ବଳରେ

ପରସ୍ପରଠାରୁ ଦୂରତା କମିଛି

ନବ ନବ ଜ୍ଞାନ କଉଶଳରେ ।

ମୃତକୁ ଜୀବିତ କେବଳ ପାରିନି

ଆଉସବୁ ଆଜି ହୁଏ ସମ୍ଭବ 

ଅଙ୍ଗ ସ୍ଥାପନରୁ ଭ୍ରୁଣର ରୋପଣ

ପରଯ୍ୟନ୍ତ ବିଜ୍ଞାନର ବିଭବ ।

ପୁରାଣ ଯୁଗରେ ଏ ବୁଦ୍ଧି ବଳରେ

ପିତାମାତାଙ୍କର ପରିକ୍ରମାରେ

ଶ୍ରୀଗଣେଶ ଅଗ୍ରପୂଜ୍ୟ ହୋଇଥିଲେ

ଅଗ୍ରଜଙ୍କଠାରୁ ଜୟ ଲାଭରେ ।