କଳିଯୁଗ କଳା ଠାକୁର

     

କଳିଯୁଗ କଳା ଠାକୁର ଆହେ ବିଶ୍ଵସୁନ୍ଦର l

କିଏ କଳାକାର ଗଢ଼ିଲା କଳା ରୂପ ତୁମ୍ଭର ll

ଚକାନେତ୍ରେ ତବ ରଚିଲା ପୁଣି ଅପୁର୍ବଠାଣି l

ବାଙ୍କ ଅଧରରେ ଅପୁର୍ବହସ ବାଙ୍କଚାହାଣୀ ll

ସ୍କନ୍ଧରେ ସୁବର୍ଣ୍ଣପଇତା ଶିରେ କସ୍ତୁରୀଚିତା l

ପାଟ ପିତାମ୍ବରୀ ତ୍ରିକଚ୍ଛ ହାର ଗଜମୁକୁତା ll

ହସ୍ତେ ସୁଦର୍ଶନ ଆୟୁଧ ଆହେ ସୁଦରଶନ l

କୌମଦକିଗଦା କମଳ କମ୍ବୁ ପଞ୍ଚଜଇନ୍ୟ ll

ଚତୁର୍ଭୁଜ ତବ ବିସ୍ତାରି ପ୍ରଭୂ ନୀଳ କନ୍ଦରେ l

ଭକତଜନଙ୍କୁ ଡାକୁଛ ଆସ ଆସ ସତ୍ଵରେ ll 

ନୀଳଚକ୍ରେ ପ୍ରଭୁ ଉଡ଼ାଇଅଛ ପତିତ ବାନା l 

ଗରବନାଶନ ଗୌରବ ପ୍ରଭୂ ଗର୍ବ ଗଞ୍ଜନା ll 

ଅବ୍ୟକ୍ତଅବ୍ୟୟ ପୁରୁଷ ପ୍ରଭୁ ହେଲ ସାକାର l

କଳ୍କୀରୂପେ ପୁଣି କରିବ ପ୍ରଭୁ ଦୁଷ୍ଟ ସଂହାର ll

ଚ୍ଛାର ମାନବ କି ବୁଝିବ ଲୀଳା ଲୀଳାପୁରୁଷ l

ଆହେ ଅବତାରୀ ପୁରୁଷ ସର୍ଵ ରୂପ ପ୍ରକାଶ ll

ନୀଳାଚଳ ନୀଳମଣି ହେ ପ୍ରଭୁ ଜଗତ ପତି l

ନେତ୍ର ପଥେ କର ବସତି ପ୍ରଭୁ ଅଗତି ଗତି ll