ନୂଆ ବର୍ଷ
ନୂଆ ବର୍ଷ
ନବ ବରଷର ନବୀନ ପରଶ ନବ ଆଶା ଉଦ୍ଦୀପନା
ନୂଆ ସକାଳ ର ନୂତନ ସୁରୁଜ ଆଣିଲା ନୂଆ ଭାବନା ।
ସ୍ୱାଗତ ଜଣାଏ ଆହେ ନବ ବର୍ଷ ନୂଆ ବାର୍ତ୍ତା ଦିଅ ଆସି
ଘୁଞ୍ଚି ଯାଉ ଦୁଃଖ ଏ ସାରା ସଂସାରୁ ସକଳ ହୁଅନ୍ତୁ ଖୁସି ।
ମାନ ଅଭିମାନ ହିଂସା ଦ୍ୱେଷ ଭୁଲି ଶାନ୍ତିରେ ବଳାନ୍ତୁ ମନ
ଆନନ୍ଦ ଉଲ୍ଲାସେ ଭାଇ ଭାଇ ପରି ଚଳନ୍ତୁ ସକଳ ଜନ ।
ଦେଶ ଦେଶ ମଧ୍ୟେ ବିଦ୍ବେଷତା ଭାବ ହୋଇଯାଉ ଅବସାନ
ଯୁଦ୍ଧ ନୁହେଁ କାମ୍ୟ ଶାନ୍ତି ବାର୍ତ୍ତା ଦେଇ ହୁଅ ଚୀର ଅମଳିନ ।
ସନ୍ତ୍ରାସବାଦ ର ବିଲୋପ ସାଧନ ହେଉ ଏହି ନୂଆ ବର୍ଷ
ସବୁ ଦିନ ପାଇଁ ଚୀର ସ୍ମରଣୀୟ ଲେଖା ଯାଉ ଇତିହାସ ।
ଅତୀତ କୁ ଭୁଲି ବର୍ତ୍ତମାନ ଠାରୁ ନୂଆ ଭାବ ଆସୁ ମନେ
ସଂଚାରିତ ହେଉ ଶାନ୍ତିର ବାରତା ଜନ ଗଣ କାନେ କାନେ ।
ରୋଗ, ବ୍ୟାଧି ଦୂର ହୋଇଯାଉ ସୁଖେ ଚଳନ୍ତୁ ସକଳ ଜନ
ଦୂର ହୋଇଯାଉ ରୋଗ ବ୍ୟାଧି ଯେତେ ନ ରହୁ ଦୁଃଖ କଷଣ ।
ଅନ୍ୟାୟ ଅନୀତି ହଟିଯାଉ ଦେଶୁ ନ ହେଉ ନର ସଂହାର
ନାରୀ ବଳାତ୍କାର ଯୌନ ଉତ୍ପୀଡ଼ନ ହୋଇ ଯାଉ ସବୁ ଦୂର ।
ଭୋକ ଉପାସରେ ନ ମରନ୍ତୁ କେହି ନ ଭୋଗୁ କେହି କଷଣ
ଅତ୍ୟାଚାର ଲୋପ ହୋଇ ଯାଉ ଦେଶୁ ଶାନ୍ତିରେ ବଳାନ୍ତୁ ମନ ।
ନୂଆ ବର୍ଷ ତୁମେ ଆସିଛ ଧରାକୁ ନୂଆ ସ୍ୱପନକୁ ନେଇ
ତୁମରି ଆଗମେ ଦୁଃଖ କଷ୍ଟ ସବୁ ଚାଲିଯାଉ ଦୂର ହୋଇ ।