ଗୁରୁ ଶ୍ରେଷ୍ଠ ଜଗନ୍ନାଥ

ଚନ୍ଦନ ସାଥୀ ତୁମ ତୁଳସୀ ପ୍ରୀତି

ମନେ ଭରିଦିଏ ଗୀତଗୋବିନ୍ଦ ପଂକ୍ତି

ଇତିହାସ କହେ ନୀଳମାଧବ ସ୍ମୃତି

ବିଶ୍ଵାବସୁ ଶବର ଭକ୍ତିର ସ୍ତୁତି

ଭାବ ବିନୋଦିଆ ଭାବେ ତୁମ ସମ୍ପୃକ୍ତି

ନହେଉ ଇତି ବାସୁ କସ୍ତୁରୀ ନିତି

ଦାସିଆ ବାଉରୀ ସାଲବେଗ ବନ୍ଧୁମହାନ୍ତି

ଭକ୍ତି ଭାବକୁ ନିକଟେ ପ୍ରଭୁ ଅଭାବେ ଦୁର୍ଗତି

ଦୁର୍ଗତର ସାହା ହୁଅ ନିବେଦନ ରଖି କୀର୍ତ୍ତି

ପତିତପାବନ ବାନା ଉଦୁଥାଉ ଏମିତି

ରାଧା ମୀରା ଲକ୍ଷ୍ମୀ ଚରଣ ସେବନ୍ତି

କୃପା କରୁଣା ବାରିଧି ଦିଅ ଚନ୍ଦନ ସାଥୀ

କର୍ପୂର ଝୁଣା ଅଗରୁବତୀରେ ଶ୍ରଦ୍ଧା ଥାଉ ନିତି

କିଏ କହେ କହ୍ନେଇ କାହ୍ନା ତୁମେ ଶ୍ରୀପତି

ଚନ୍ଦନଯାତ୍ରାରେ ନରେନ୍ଦ୍ର ଜଳରେ ତୁମ ଆସକ୍ତି

ଯାତନା ଅନେକ ଅଙ୍ଗେ ନିଭା କଥା କହି ଆଳତୀ

ଦର୍ଶନେ ତୁମରି ଭକ୍ତି ଓ ପ୍ରୀତି ସହ କର୍ପୂରବତୀ

ତୁମ ସହମତି ବିନା ଭକ୍ତ ବଞ୍ଚିବ କେମିତି

ସ୍ନେହ ଶ୍ରଦ୍ଧା ଆଶୀର୍ବାଦ ଥାଉ ଏମିତି

ଘର ଅଗଣା ବାସେ ଦୟଣା ତୁଳସୀ ଯେମିତି

ପାଖେ ପାଖେ ଅଛ ପ୍ରଭୁ ଭାବେ କହିବି କେମିତି

ଅଙ୍ଗେନିଭା କଥା ଲେଖେ କବିତା ଗୀତି