ସେବାର ତ୍ରିପୁଟି
ସେବାର ତ୍ରିପୁଟି
ସେବାଓ ସେବକ,
ସେବାର ସାଧନ
ଅଟଇ ଜଗତେ ମହାନ ।
ପ୍ରାତରେ ଉଠିଣ
ଦେଖେ ଭକ୍ତ ନିତ୍ୟ
ସେବ୍ୟ ଅଟନ୍ତି ଭଗବାନ ।
ସେ ନିଜେ ସେବକ
ସେବ୍ୟ ଭଗବାନ
ଆଉ ସବୁ ପୂଜା ସାଧନ ।
ଫୁଲ ଗନ୍ଧ ଧୂପ
ଜଳାଏ ପ୍ରଦୀପ
ଶୁଦ୍ଧିତ କରି ତାର ମନ ।
ଏ ସବୁ ଭକ୍ତ ର
ସେବାର ସାଧନ
ଜଗତେ ନିତ୍ୟ ଚାଲୁଅଛି
କର୍ମର ସାଧନ
ତପସ୍ୟା ସାଧନ
ପ୍ରଭୃଙ୍କ ସେବାରେ ପାଉଛି...
ବୈରାଗ୍ୟ ସାଧନ
ଭକ୍ତି ମୟ ରୂପ
କର୍ମତ୍ତ୍ୱ କୁ ଦୁର କରୁଛି ।
ଆନନ୍ଦେ ଗୋବିନ୍ଦ
ଭଜ ପଦାରବିନ୍ଦ
ସୁଲଭତା ଭରି ରହିଛି ।
ଜୀବନ କୁ କର
ସେବା ପରାୟଣ
ସେବ୍ୟ ପୁରୁଷୋତ୍ତମ ପାଇଁ ।
"ମୁଁ "ଅଟେ ଅକ୍ଷର
ପୁରୁଷ ମାତର
ସେବକ ଅଟଇ ତା ପାଇଁ ।
ସେବକ ଏ ଜୀବ
ଅକ୍ଷର ପୁରୁଷ
କ୍ଷର -ସୃଷ୍ଟି ତାର ସାଧନା ।
ଦୂଷଣ ତ ନୁହେଁ
ଭୂଷଣ ଅଟଇ
କରଈ ମଙ୍ଗଳ କାମନା ।
ଏ ଜଗତ ସର୍ବ
କର୍ମ ର ଅଧିନ
ଫଳ ଲଭଈ ତାର ପାଇଁ ।
କର୍ମ ଦିଏ ସୁଖ
ଦୁଃଖ ର ଠିକଣା
ଭୋଗ କରେତ ସିଏ ଏହି ।
ଅଚିନ୍ତ୍ୟ, ନିର୍ଦ୍ୱନ୍ଦ୍ୱ
ପରମବ୍ରହ୍ମ ହିଁ
ଏଈ ଜଗତ ତାଙ୍କ ଶକ୍ତି ।
ଜୀବ ହିତେ ରତ
ବିଧାତା ଯେ ନିତ୍ୟ
ସାଧନେ କର ହେ ଭକତି ।
ଜୟୀ ହୁଏ ସେହି
ସ୍ଥାବର ଜଙ୍ଗମ
ସୁ ପୂର୍ଣ୍ଣ ଏହି ବସୁଧାରେ ।
ଦୁଃଖ ପାଇ ସିନା
ଜନେ, ସେବା ସୁଖେ
ଜୀବନେ ବହୁ ସୁଖ ଭରେ ।