ଭିକ୍ଷା ଦେଇ ପୂର୍ଣ୍ଣ କର ଥାଳ

ଗୋ ଦେବୀ

ଭିକାରୀ ମୁଁ ଆସିଅଛି

ଶୁଣି ତଵ ଯଶ

ମାଗିବାକୁ ବୁକୁ ପାତି ସମ୍ପଦ ବିଶେଷ

ଦାତ୍ରୀ ପଣେ ଦିଅ ପରିଚୟ

ପ୍ରଥମ ମାଗୁଣି ଦିନେ ନ କର ଗୋ ଧର୍ମ ଅପଚୟ.।

କ୍ଲାନ୍ତ ମୋର ପଦ ଅଙ୍ଗ

ଘାରେ ଅବସାଦ

ଯୌବନ ର ତୀବ୍ର ପୀଡା

ଭରେ ମନେ ଖେଦ

ଦିଅ ମୋତେ ତମେ ଯୌବନ ବତୀ

ନିବେଦିବି ଅନ୍ତର ରେ ଗୋପନ ମିନତୀ ।

ତୃଷ୍ଣା ଜ୍ୱାଲେ ଅଧରେ ମୋ

ଯାଏ ଦେବୀ ଶୁଖି

ବକ୍ଷରେ ଦହନ ଗୁରୁ

ମରମେ କାକୁତି

ଦେଇ ଦିଅ ମୋତେ ତୋ ଜଳଦକୁନ୍ତଳା

ତରୁଣ ଭିକ୍ଷାର୍ଥୀ ଆଜି ମେଲିଅଛି

ପ୍ରାଣ ନାଟ ଶାଳା

ନୀରବେ ପହୁଡ଼େ ବୀଣା

ମଉନ ନିର୍ଜୀଵ

ଲିଭି ନାହିଁ ମାନସୀ ର କରି

ଅନୁଭବ ।