ନୁଆବର୍ଷ ଆସିଲା

ନୁଆ ବର୍ଷ ଆସି ଜନେ ଦେବ ଖୁସୀ

ଜଗତ ଉଠିବ ହସି

କବି ଏ ଧରାରେ ଫୁଟାଇଦେବେରେ

ଲେଖନୀରେ ଛବି ବସି

ଏକ ବେଣୀ ଧରା ଯକ୍ଷ କାମିନୀ

ବସିବନି ଏକା ଦ୍ବାରେ

ଝରିଯିବ ତାର ଚକ୍ଷୁ ର ରୋଦନ

କବିର ଲେଖନୀ ଗାରେ

ଏହି ବରଷରେ ସାବିତ୍ରୀ କୋଳରେ

ରହିଯିବେ ସତ୍ୟବାନ

ଫୁଲ ତୋଳୁ ତୋଳୁ ଶୈବ୍ୟା ସୁତର

ମଉଳି ଯିବନି ପ୍ରାଣ

ନଳରାଜା ତାର- ଦିହଜାରଚବିଶ ର

ବରଜିବନି ରତ୍ନପୁରୀ

ପ୍ରେୟସୀରାଣୀର ବୁକୁର ଦାରୁଣ

ହାଣିବନି କାର ଛୁରୀ

କରୋନା ଯାଇଛି,ଜଗତ ହସୁଛି

ଭାବେ ସତ୍ୟ ଅଛିପଶି

ସତ୍ ରେ ଅସତ୍ ଘାଣ୍ଟି ହେଉଅଛି

କୁବୁଦ୍ଧି ବଢୁଛି ବେଶି

ଏ ନବ ବରଷେ ନବ ଇଛା ଆସେ

ନବ କର୍ମ ପାଇଁ ମନ

ନବୀନା,ବାବୁନା,ଟୁନା,ମୁନା,କୁନା

ସତ୍ ରେ ଦିଅ ମନ

ନିଜେ ଭଲ ଥିଲେ,ଦୁନିଆ ଟା ଭଲ

ଆଖିରେ ସୁନ୍ଦର ଦିଶେ

ଦି ହଜାର ଚବିଶ ,ଆଣୁଅଛି ଖୁସୀ

ଏବେଠୁ ଟିକେ ବାସେ...।।