ଆଖି ଥାଇ ଅନ୍ଧ
ଆଖି ଥାଇ ଅନ୍ଧ
ଚାଲୁ ଚାଲୁ ବାରବାର ଝୁଣ୍ଟୁ ଥିବୁ
ନୁହେଁ ତୋ ପାଦର ଦୋଷ
ଆଖି ଥାଇ ଅନ୍ଧ ଭଳି ତୁ ଚାଲିଲେ
ପାଇବୁ ଅନେକ କ୍ଳେଶ
ଆଖି ନାକ କାନ ହାତ ଗୋଡ଼ ଯାହା
ଖଞ୍ଜି ଦେଇଛି ବିଧାତା
ଦେଖି ପରଖି କି ବାଟଚାଲୁ ଥିଲେ
ଆଗକୁ ନା ଥାଏ ଶଙ୍କା
ସତଚିନ୍ତା କରି ସତ କର୍ମ ଆଚରି
ଧରମ ପଥକୁ ଧରି
ହାତେ ମାପି କରିଚାଖଣ୍ଡେ ଚାଲିଲେ
ବିପଦ ଟି ଜୀବ ଟଳି
ବେଳ ଥାଉ ବନ୍ଧ ବାନ୍ଧରେ କୁମର
ଏହା ତ ଶାସ୍ତ୍ରର ବାଣୀ
ସମାଜ ଆଗରେ ଦର୍ପଣ ପରାୟେ
ଲେଖେ ସତ୍ୟର କାହାଣୀ
ଦେଖି ଚାହିଁ ବୁଝି ବିଚାରି ସବୁକୁ
କର୍ମେ ଦେଇଥିବୁ ମନ
ବିପଦ ଟଳିବ ତୋ ଚଲା ପଥରୁ
ବେଳହୁଁ ତୁ ସାବଧାନ
ଅନ୍ୟାୟ ଅନୀତି ଦେଖି କରି ଯଦି
ଅଣଦେଖା କରି ଯିବୁ
ଆଖି ଥାଇ ଅନ୍ଧ କହୁଥିବେ ଲୋକ
ଭଲ ପଣ ହରାଇବୁ