ଫେରିଯାଅ ତୁମେ ଫେରିଯାଅ
ଫେରିଯାଅ ତୁମେ ଫେରିଯାଅ
ଫେରିଯାଅ ତୁମେ.....ଫେରିଯାଅ
ଯେଉଁଠାରୁ ଆସିଥିଲ ସେଇଠିକୁ...
ଟିକିଏ ତ ବଞ୍ଚିବାକୁ ଦିଅ ,
ଫେରାଇ ଦେଇ ଆମକୁ
ଆମ ସେ ହଜିଲା ଅତୀତ
ହଜିଯାଅ ତୁମେ.....ହଜିଯାଅ ।
ଫେରିଯାଅ ତୁମେ ଫେରିଯାଅ ।
ଦେଇ ପାରିବକି ଗୋଟିଏ ଜୀବନ ?
ତେବେ କେଉଁ ଅଧିକାର ରେ.....
ଛଡାଇ ନେଉଛ ତୁମେ
ଶହ ଶହ ନିରୀହ ଜୀବନ ??
କେତେ ମା'କୋଳ ଶୂନ୍ୟ କରି,
କେତେ ନିରୀହ ପିଲାଙ୍କୁ ଅନାଥ କରି ।
ତେଣୁ ଫେରିଯାଅ ତୁମେ ଫେରିଯାଅ ।
କେତେ ଛଟପଟ ହୋଇ
ପ୍ରଶ୍ୱାସ ଟିକିଏ ପାଇଁ
ତୁମ ପାଶେ କରି କେତେ କାକୁତି ମିନତୀ
କୁଆଡ଼େ ଯେ ମିଳାଇ ଯାଉଛନ୍ତି
ନିମିଷକ ମଧ୍ୟରେ .....
ସାରୁ ପତ୍ରର ଜଳ ବିନ୍ଦୁ ପରି ।
ଫେରିଯାଅ ତୁମେ ଫେରିଯାଅ ।
ଏଡିକି ନୃଶଂସ ତୁମେ......
ଦେଖିକିବା ପାରୁନାହିଁ
କଅଁଳା ଛୁଆଟା କିପରି ମା କୁ ହରାଇ......
ଆଉଟ ପାଉଟ ହେଉଛି
ଢୋକେ କ୍ଷୀର ପାଇଁ ।
କୁଢ଼ କୁଢ଼ ଶବ ଭିତରେ......
ତା ମାଆ କୁ ସେ ପାରିବକି ପାଇ ?
ତେଣୁ ଫେରିଯାଅ ତୁମେ.... ଫେରିଯାଅ ।
ହେଇ ଦେଖ !
କେତେ ଆଶା ନେଇ ଆସିଥିବା.....
ନବ ବଧୂଟି ଆଜିବି ତା ସ୍ୱାମୀର ପ୍ରତିକ୍ଷାରେ
ସିନ୍ଦୁରରେ ସୀମନ୍ତ ସଜେଇ
ଚାହିଁ ବସିଛି ଫେରିବା ବାଟ କୁ.....
ହେ ନିର୍ଦ୍ଦୟ !
ଫେରିଯାଅ ତୁମେ ଫେରିଯାଅ ।
ଫେରିଯାଅ ତୁମେ ଫେରିଯାଅ ।।