ଫେରିଗଲ ତୁମେ ଅଫେରା ଅତିଥି

ଆସିଥିଲ ତୁମେ  ଜୀବନରେ ମୋର

    ଅଫେରା ଅତିଥି ହୋଇ,

ଫେରିଗଲ ଯଦି   କଥା ତୁମ ଭାଙ୍ଗି

    ଯାଅ ତୁମ ଖୁସି ନେଇ।।

ତୁମେ କିନ୍ତୁ ମୋର  ହୃଦୟରେ ଥିବ

   ଜୀବନ ମୋ ଥିବାଯାଏ,

ପାରୁନାହିଁ ଭୁଲି     ତୁମକୁ ତ ମୁହିଁ

  (ଆଜିବି) ତୁମକୁ ମୁଁ ଭଲପାଏ।।

ସଜେଇ ଥିଲି ମୁଁ   ଫୁଲର ସବାରୀ

   ସଜେଇ ଥିଲି ମୁଁ ଘୋଡ଼ା,

ଫୁଲର ସବାରୀ  ମଉଳି ଗଲା ମୋ

   ବେଦୀମୁହଁ ହେଲା ପୋଡ଼ା।।

ପ୍ରାଚୀର ଗଢିଲ

Advertisement

   ପ୍ରେମରେ ଆମର

   କରିଦେଲ ଦୁଇ ଫାଳ,

ଗଛମୂଳେ ତୁମେ   ପାଣିଦେଇ ପୁଣି

    କାଟିଦେଲ ତାର ମୂଳ ।।

ଭାଙ୍ଗିଦେଲ ତୁମେ ପ୍ରେମର କୋଣାର୍କ

   କଳାପାହାଡ଼ ଟେ ହୋଇ,

ତଥାପି ତୁମକୁ     ହୃଦୟରେ ରଖି

   ଆଜି (ବି) ତୁମକୁ ପୂଜଇ।।

ହୃଦୟର ଥିଲ    ପାଟରାଣୀ ତୁମେ

     ହୃଦୟରେ ତୁମେ ଅଛ,

ରହିଥିବ ତୁମେ     କାଳକାଳ ଧରି

     କହୁନି ତୁମକୁ ମିଛ।।