ଦ୍ରୌପଦୀ ତୁମେ ଧନ୍ୟା

ଓଡିଶା ମାଟିରେ ମୟୁରଭଞ୍ଜର

ଆଦିବାସୀ କୁଳେ ଜନ୍ମ

ପିଲାଟି ଦିନରୁ ନମ୍ରତା ଗୁଣରେ

ଥିଲାଟି ତୁମ ସୁନାମ ।

ସଙ୍ଘର୍ଷ ଜୀବନେ ବାଧାବିଘ୍ନ କାଟି

ପାଠ ପଢ଼ାରେ ମନ

ରାଜନୀତି ଆଉ ନୀତି ଆଦର୍ଶରେ

ଜିଣିଲ ସବୁରି ମନ ।

ଉତ୍କଳ ମାଟିର ଓଡ଼ିଆ ଝିଅଟେ

ଭାରତ ଉଚ୍ଚ ଆସନେ

ଅଳଙ୍କୃତ କରି ହେବ ରାଷ୍ଟ୍ରପତି

ଭାବି ନଥିଲୁ ସ୍ୱପନେ ।

କର୍ମ ସାଧନାର ଫଳ ସ୍ୱରୂପ ଏ

ମିଳିଲା ପଦବୀ ଉଚ୍ଚ

ଓଡିଶା ମାଟିର ଗରବ ଗୌରବ

ଚିନ୍ତାଧାରା ତୁମ ସ୍ଵଛ ।4।

ପଙ୍କରୁ ଯେପରି ପଦ୍ମ ଜାତ ହୁଏ

ତୁମ ଜନମ ଜାତକ

ସୁଗୁଣ ସୁବାସେ ହସାଇବ ଦେଶ

ଦେଖାଇ ନବ ଆଲୋକ ।

ସବୁରି ମନରୁ ଆତଙ୍କ ବାଦର

ଭୟ ଦୁରୀଭୂତ ହେଉ

ଶାନ୍ତିର କପୋତ ସଗର୍ବେ ଭାରତେ

ଶାନ୍ତି ବାର୍ତ୍ତା ଉଡି ଗାଉ ।

ସାରା ଜଗତରେ ଭାରତ ମାଟିରେ

ଆଣିଲ ଜାତି ଗୌରବ

ଓଡିଶା ମାଟିର ପ୍ରଥମ ମହିଳା

ବାଣ୍ଟିବ ରାଷ୍ଟ୍ର ସୌରଭ ।

ଓଡ଼ିଆ ରମଣୀ ନାରୀ ନାରାୟଣୀ

ସୃଷ୍ଟିକର ଇତିହାସ

ମହିୟସୀ ତୁମେ କୋଟି ଓଡ଼ିଆର

ଓଠରେ ଫୁଟାଅ ହସ ।

ଓଡିଶା ବାସୀଙ୍କ ଆଶା ଭରସାର

ଦୁସ୍ଥ ଜନତାର ମାଆ

ବିପଦ ବେଳରେ ଲୁହ ପୋଛିଦେଵ

ସୁଖେ ଦୁଃଖେ ହୋଇ ସାହା ।