ହସିଲେ ଦିଶୁ ତୁ ଭଲ

ତୋ ହସରେ ସଖୀ ଅଛି କେଉଁ ଯାଦୁ                    

ପର ଆପଣାର ହୁଏ

ଦୁଷ୍ଟ ହସ ତୋର ଆହୁରି ନିବିଡ଼

ପ୍ରେମ ବୋଲି ତାକୁ କୁହେ ।

ଚେନାଏ ହସ କୁ ଦେଖିବାକୁ ତୋର

ଆଖିରେ ସପନ ହେଲା

ହସିବୁ ହସିବୁ କେଉଁଦିନ ସଖୀ

ସମୟ ବଦଳି ଗଲା ।

ଚାହିଁ ଚାହିଁ ତୋର ଗୋଲାପୀ ଓଠକୁ

ମନରେ ଅନେକ ନିଶା

କହିବି କହିବି କହି ପାରିନାହିଁ

ଭୋଗୁଛି ମଙ୍ଗଳ ଦଶା ।

ଜାତକ କହୁଛି ଦଶାର ଶେଷରେ

ଆସି ପହଞ୍ଚିବ ଯୋଗ

ସାତ ବର୍ଷ ସଖୀ କେମିତି ବଞ୍ଚିବି 

ମୋତେ ଲାଗେ ଯୁଗ ଯୁଗ ।

ଚନ୍ଦ୍ର ଅଛନ୍ତି ମୋ ଅଶୁଭ ସ୍ଥାନରେ

ରହିଛି ମଙ୍ଗଳ ଦୋଷ

ଜ୍ୟୋତିଷେ କହିଲେ ଭୂଲିବାକୁ ତୋତେ

ଖୋଜିବାକୁ ନୂଆ ହସ ।

କେମିତି ଭୂଲିବି ତୋ ହସ କୁ ସଖୀ

ସାଇତି ରଖିଛି ମନେ

ତୋ ହସ କୁ ଛାଡ଼ି ବଞ୍ଚି ପାରିବିନି

ନାହଁ ଜୀବନର ମାନେ ।