ପେଟ ପାଇଁ ନାଟ

ଭୋକ ପାଇଁ ଏଠି ଚାଲେ କେତେ ନାଟ,

ପେଟ ପାଇଁ ପୁଣି ହୁଏ ଛଟପଟା ।

ପେଟ ପାଇଁ ମାଆ ବିକେ ତାର ଛୁଆ ,

ପେଟର ବିକଳ ସହେନା ସେ କିଆଁ ।

ପେଟ ପାଇଁ ଚାଲେ ହୀନ ରାଜନୀତି ,

ଭୋକରେ ମଣିଷ ଦେହେ ଭରେ ତାତି।

ପେଟ ପାଇଁ ବାପା କରେ ରୋଜଗାର,

ମାଆ କରେ ପୁଣି ରୋଷେଇ ବଜାର ।

ପେଟ ପାଇଁ ପୁଣି ଗରିବର ଛୁଆ ,

ଭିକ୍ଷା ଥାଳି ଧରି ଦାଣ୍ଡେ ହୁଏ ଠିଆ ।

ଦେହ ଭୋକ ପାଇଁ ପୁରୁଷଟେ ଆଜି,

ନାରୀ ଦେହ ଲୁଟେ କାମାନ୍ଧଟେ ସାଜେ ।

ମେଣ୍ଟିଗଲା ପରେ ଦେହ ଭୋକ ତାର ,

ନାରୀ ଚରିତ୍ରକୁ କରେ ନାରଖାର ।

ପେଟ ପାଇଁ କିଏ ନେଉଥାଏ ଲାଞ୍ଚ ,

କିଏ ପୁଣି ପାଞ୍ଚେ ଅନ୍ଯ ପାଇଁ ପେଞ୍ଚ ।

ନର ହତ୍ଯା ହୁଏ ଏଠି ଭୋକ ପାଇଁ,

ଯାହା ହୁଏ ଏଠି ସବୁ ପେଟ ପାଇଁ ।

କେବେ ତୃପ୍ତ ହେବ ଏ ମଣିଷ ଭୋକ,

ଅତୃପ୍ତ ମନରେ କରୁଥାଏ ଶୋକ ।