Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Debaki Behera

Abstract Classics

4  

Debaki Behera

Abstract Classics

ପାଳି

ପାଳି

2 mins
263



ମା ଖୋଜୁଛି ମମତା ଟିକେ

ମମତା ଖୋଜେ ସ୍ନେହ

ଦରଦୀ ମନର କଷ୍ଟ କୁ ଆଜି

କା ଆଗେ କହିବ କୁହ l

ଆଖିରୁ ବହେ ମମତା ତାର

ଛାତିରୁ ଝରେ କୋହ

ସନ୍ତାନ ଆଜି ପର କରିଲା

ବୁଝିଲାନି ଆଖି ଲୁହ l

ଅନ୍ତ ଚିରିଣ ଜନମ ଦେଲା

ସହି ଦଶ ମାସ କଷ୍ଟ

ଓଷା ଓପାସ କରିଣ କେତେ

କଟାଇ ଥିଲା ସେ ରିଷ୍ଟ l

ନିଜ ଛାତିରୁ କ୍ଷୀର ପିଆଇ

ଜୀବନ ଯାହାକୁ ଦିଏ

ସେଇ ସନ୍ତାନ ବୋଝ ଭାବିଣ

ଘରୁ ତଡ଼ିଣ ଦିଏ l

ପାଞ୍ଚ ପାଞ୍ଚଟି ପୁଅକୁ ଜନ୍ମ

ଦେଇଥିଲା ଯେଉଁ ମା

କାହାରି ମଧ୍ୟେ ଅନ୍ତର କେବେ

କରିନଥିଲା ସେ ମା l

ପୁଅ ଝିଅଙ୍କ ଭବିଷ୍ୟ ପାଇଁ

ନିଜ ଖୁସି ଗଲା ଭୁଲି

ସେଇ ସନ୍ତାନ ନିଜ ଖୁସି ପାଇଁ

ମା କଥା ଗଲେ ଭୁଲି l

ଅତି କଷ୍ଟରେ ବଡ କରିଲା

ସବୁ ପୁଅକୁ ସେ ତାର

ସବୁ ପୁଅ ଆଜି ବଦଳି ଗଲେ

ଚାଲିଲେ ସ୍ତ୍ରୀ କଥାର l

ମାଆ ଟି ଆଜି ବୋଝ ଲାଗିଲା

ଘୃଣା କରେ ତାକୁ ଦେଖି

ପାଖରେ ରଖିବା ପାଇଁକି ମନା

କରିଦିଏ ସେ ସଳଖି l

ପୁଅ ଝିଅ ଓ ନାତି ନାତୁଣୀ

ପରିବାର ବଡ ତାର

ହେଲେ କେହିବି ସ୍ନେହରେ ପଦେ

ନ କୁହେ ଆହା ମନର l

ବୟସ ର ଶେଷ ପାହାଚ ପରେ

ଛିଡା ହୋଇ ଅଛି ସିଏ

ଚର୍ମ ଧୁଡୁ ଧୁଡୁ ବଳବି ନାହିଁ

କାହାକୁ କହିବ ଆହେ l

ଆଖିକୁ ତାର ଦିଶୁନି କିଛି

କାନକୁ ଶୁଭେନା କିଛି

ଦାନ୍ତ ନାହିଁ ଯେ ପାକୁଆ ପାଟି

ଖାଇବ କି କଥା ବାଛି l

ଅନ୍ଧଲଉଡ଼ି ବାବୁ ଟି ତାର

ଦୁଃଖୀଧନମଣି ଆହା

ବୁଢ଼ୀ ବୟସେ ସାହାର ହେବ

ମୁଖେ ଦେବ ଟିକେ ନିଆଁ l

କେହି ବୁଝିଲେ ନାହିଁ ମାଆର

ଦୁଃଖୀ ମନର ଯନ୍ତ୍ରଣା

ଘରେ ରଖିବେ ପାଳି କରିଣ

କରିଲେ ଏହି ମନ୍ତ୍ରଣା l

ପାଳି କରିଣ ରଖିଲେ ଘରେ

ମାସ ମାସ ଗଣା ହୋଇ

ଯୋଡ଼ା ମାସଟି ପଡିଲା ବୋଲି

ରାସ୍ତାରେ ଛାଡିଲେ ନେଇ l

ଭାଗ ଛିଣ୍ଡିଲା ନାହିଁ ବୋଲିତ

ପୁଅ ଟି ଗରବେ କହେ

ତେଣୁ ଏ ମାସ ମାଆ ଟି ପରା

ଦାଣ୍ଡରେ ଆସି ରୁହେ l

ଯୋଗ୍ୟ ର ତୁମେ ସନ୍ତାନ ଗଣ

ନତମସ୍ତକ ମୁଁ ହୁଏ

ଗୋଟିଏ ମାଆ କୁ ପାଞ୍ଚଟି ପୁଅ

ପାଳି ପୁଣି ବଣ୍ଟା ହୁଏ l

ଧନ୍ୟ ସେ ମାଆ ତଥାପି ଆଜି

ଅଭିଶାପ ଦିଏ ନାହିଁ

ସନ୍ତାନ ଖୁସିରେ ତାହାରି ଖୁସି

ରାଜରାସ୍ତେ ଯାଏ ଶୋଇ l

ମାଆ ପରିକି ହୃଦୟ ଟିଏ ଯେ

ଖୋଜିପାଇବୁନି କାହାର

ଦିଅନି କେବେ ଏମିତି ଦୁଃଖ

ଏତିକି ମିନତି ମୋର l



Rate this content
Log in