ନୂଆଯୁଗର ପିଲା

#ସିଧାକଥା-୨୪ 

ମିଛ କହିବାକୁ ଭଲ ଲାଗେ ମୋତେ ସତ କହିବାକୁ ଡରୁଛି ,

ଜିଅନ୍ତା ଷଣ୍ଢକୁ ପିଟିପିଟି ତଡ଼େ ପଥରକୁ ପୂଜା କରୁଛି ।

ମାଗଣା ଦରବ ନେବାକୁ ବିକଳ ଖଟିବାକୁ ମନ ହେଉନି,

ପର ଚିଜ ସବୁ ବଢିଆ ଲାଗୁଛି ଘର ତରକାରୀ ଖାଉନି ।

ଚନ୍ଦ୍ର ସୂର୍ଯ୍ୟ ତାରା ମାଟି ପାଣି କଥା ମନରୁ ତ ଭୁଲି ଯାଇଛି,

ବାପା-ମାଆ ଗୁରୁ ଗୁରୁଜନମାନେ ବଞ୍ଚିଥାଉ ନାହିଁ କହୁଛୁ ।

ପୂର୍ବ ପରମ୍ପରା ବାଜେକଥା କହି ହସରେ ଉଡ଼େଇ ଦେଉଛୁ,

ବାହା ବେଳେ ନିଜେ ନାଚ ବାଲୀହେଇ ବରକୁ ନଚେଇ ନେଉଛୁ ।

ବୋତଲ ନ ଥିଲେ କିଛି ହୁଏନାହିଁ ମଡ଼ା ବି ଗାଆଁରୁ ଉଠେନା,

ଗାଡ଼ି-ଘୋଡ଼ା କିଛି ଆସୁଥିଲେ ଦେଖି ବାଟରୁ ଟିକିଏ ହଟୁନା ।