ନୂଆଖାଇ

ଆସୁଛି ଭେଟଘାଟ କାଲି

ଆସ ଯିବା ଗାଁ ବୁଲି

ଜୁହାର କରିବା ବୁଲି ବୁଲି

ସମଲେଶ୍ବରୀ ମନ୍ଦିର ଖୋଲି

ମାଆ ହସୁଥିବ ଖାଲି

ସମସ୍ତେ ଭଲ ଥାଅ ବୋଲି

କହିବ ମାଆ ହସି ଖିଲି ଖିଲି

ମାଆ ର ସିନ୍ଦୁର ଶଙ୍ଖା ଶାଢ଼ୀ ନାଲି

ଅଳତା ରଙ୍ଗ ପଣତ ସୁନେଲି

ସକାଳ ଖିଆ ପିଆ ବୁଲାବୁଲି

ରାତିକୁ ନଵାହ୍ନ ପତରେ ବାସ୍ନା

ମେଣ୍ଟିବ ବର୍ଷକର ତୃଷ୍ନା

ହସି ଗାଇ ନାଚିବା ଫୁଲି ଫୁଲି

ରଙ୍ଗ ବେରଙ୍ଗ ପାନ ନାଲି

ଖାଇ ଖଣ୍ଡେ ଦେବା ଅନ୍ୟ ତୁଣ୍ଡେ

ହସ ଝରିବ ମଖମଲ୍ଲୀ

ଝିଲି ମିଲି ଗାଗୁଲି ଚଗଲି

ବେଣୀ ରେ ଗଜରା ଫୁଲ

ଫୁଲର ଫରୁଆ ଯିବ ଚହଲି

ନାଲି ନାଲି ଦେଖ ସବୁ ନାଲି

ମାଆ ସମଲେଇ ସମ୍ବଲପୁରୀ

ପାଟ ନାଲି ମାଆ ଓଠ ନାଲି

ହସେ ଖିଲଖିଲି ଆଶୀର୍ବାଦ 

 ଢାଳି କୋଳାକୋଳି ମେଳି ବୋଲି

ମାଟି ମଣିଷ ଦେବୀ ଦେବଙ୍କ ମିଳନ 

ବଜାଇ ତାଳି ଦେବା ହୁଳହୁଳି 

ଗଣପର୍ବ ନୂଆଖାଇ ବରଷକେ 

ଘରେ ଥରେ ଆସିଛି ଚାଲି ବୁଲି