ନନ୍ଦ ଘରେ ଆନନ୍ଦ

ନନ୍ଦଙ୍କ ଘରେ ଆନନ୍ଦ ନାଚନ୍ତି ଯଶୋଦା ନନ୍ଦ

ଗୋପ ବାସୀ ଆନନ୍ଦିତ ହସନ୍ତି କଳା ଗୋବିନ୍ଦ ।

ଜଗତ ଜନ ତାରଣ ସତ୍ୟ ଶାନ୍ତି ପ୍ରକାଶନ

ମାନବ ସେବା କାରଣ ଧରା ଧାମେ ଅବର୍ତ୍ତିନ l

ସତ୍ୟ ଯୁଗେ ନାରାୟଣ ରୂପ ଧରି ତତକ୍ଷଣ 

କରିଲେ ଧର୍ମ ସ୍ଥାପନ ହିରଣ୍ୟେ କରି ନିଧନ l

ରାମଚନ୍ଦ୍ର ରଘୁରାଣ  ଅଯୋଧ୍ୟା ପ୍ରଜାଙ୍କ ପ୍ରାଣ

ପୁରୁଷୋତ୍ତମ ରାଜନ ରାବଣ ଗର୍ବ ଗଞ୍ଜନ l

କରି ବନ୍ଦୀ ଉଗ୍ରେସନ ପାଇ ରାଜ୍ୟ ସିଂହାସନ

ନାରୀ ଶିଶୁ ପ୍ରପୀଡ଼ନ କର୍ମଯେ କଂସ ରାଜନ l

ଅଧର୍ମ ଅନୀତି ଜାଣ କମ୍ପଇ ସାରା ଭୁବନ

ତ୍ରାହି ତ୍ରାହି କରେ ଜନ ରଖ ପ୍ରଭୁ ନାରାୟଣ l

ଅଷ୍ଟମ ଗର୍ଭେ ରହିଣ ଅଷ୍ଟମୀ ଭାଦ୍ରବ ଦିନ

ରାତ୍ରିର କାଳ ନିର୍ଜନ ଜନ୍ମିଲ ପାଇଁ କଲ୍ୟାଣ l

ଦେବକୀ ଆର୍ତ୍ତ କ୍ରନ୍ଦନ ଶୁଣି ପ୍ରଭୁ ଆର୍ତ୍ତତ୍ରାଣ

ଜନନୀ ରୂପେ ଗ୍ରହଣ କଲଯେ ମଧୁସୂଦନ l

ନନ୍ଦଙ୍କ ହେଲ ନନ୍ଦନ ଯଶୋଦାର ଗଣ୍ଠିଧନ

ଗୋପପୁରେ ବାଜାବାଣ କାହ୍ନାକୁ ଅଭିନନ୍ଦନ l

ଗୀତ ନାଚେ ଗୋପିଗଣ  ଆନନ୍ଦିତ ସର୍ବ ଜନ

ଝରଣା ପାହାଡ଼ ବନ ପ୍ରଫୁଲ୍ଲିତ ବୃନ୍ଦାବନ l