ମହାବିଷୁବ ସଂକ୍ରାନ୍ତି
ମହାବିଷୁବ ସଂକ୍ରାନ୍ତି
ବସନ୍ତର ଶେଷେ ନିଦାଘଯେ ଆସେ
ରୌଦ୍ର ତାପେ ବଢେ ଶୋଷ
ବିଷୁବ କ୍ଷେତ୍ରରେ ଲମ୍ବ କିରଣରେ
ଗ୍ରୀଷମ ଋତୁ ପ୍ରକାଶ ll
ଚଇତ୍ର ଶେଷରେ ରାମ ନବମୀରେ
ବିଷ୍ଣୁ ନେଲେ ଅବତାର
ମହା ରୁଦ୍ର ଶିବ ତିଥିଯେ ବିଷୁବ
ଜନ୍ମ ପବନ କୁମର ll
ଶ୍ରେଷ୍ଠ ରାମ ଭକ୍ତ ବୀର ହନୁମନ୍ତ
ସଦା ଜପେ ରାମ ନାମ
ଜ୍ଞାନ ବୁଦ୍ଧି ସାର ଅଞ୍ଜନା କୁମର
ସେବାରେ ସେବେ ଶ୍ରୀରାମ ll
ପୁଣ୍ୟ ଜନ୍ମ ଦିନ ଆନନ୍ଦେ ପାଳନ
ପୂଜା ପାଠ ଯଜ୍ଞ ବ୍ରତ
ସଂକ୍ରାନ୍ତି ହୋମରେ ଚାଳିଶା ଗାନରେ
ପରିବେଶ ମୁଖରିତ ll
ଉତ୍କଳ ପ୍ରଦେଶ ସଂସ୍କୃତିର ଦେଶ
ବର୍ଷର ପ୍ରଥମ ମାସ
ବୈଶାଖ ମାସର ପ୍ରଥମ ଦିନର
ଅଭ୍ୟର୍ଥନ ନବ ବର୍ଷ ll
ଭାସ୍କର ଆଭାରେ ଶ୍ରୀହୀନ ଶରୀରେ
ପ୍ରକୃତି ରାଣୀର ଖେଦ
ଶୁଷ୍କ ତରୁ ଲତା ନଷ୍ଟ ସବୁଜତା
ଚାତକେ ଚାହେଁ ବାରିଦ ll
ଜଳ ହିଁ ଜୀବନ ବୃକ୍ଷେ କର ଦାନ
ପଣା ଦେଇ ବୃନ୍ଦାବତୀ
କଦଳୀ ନାବାତ ଛେନା କ୍ଷୀର ଘୃତ
ପଣା ଭୋଗେ ଦେବ ତୃପ୍ତି ll
କାଳୀ ଦଣ୍ଡ ନୃତ୍ୟ ଶିବ ଦଣ୍ଡ ନୃତ୍ୟ
ମେରୁ ସଂକ୍ରାନ୍ତିରେ ଶେଷ
ମହାନ ଦିନରେ ବିଶ୍ୱ କଲ୍ୟାଣରେ
ପ୍ରଭୁଙ୍କୁ ମାଗୁ ଆଶିଷ ll
ସଂକ୍ରାନ୍ତି ବିଷୁବ ତାପଯେ କମିବ
ପ୍ରାର୍ଥନା ବିଭୁଙ୍କ ଠାରେ
ବିଶ୍ୱ ଶାନ୍ତି ଯଜ୍ଞ ନାମ ସଂକୀର୍ତ୍ତନ
ସମାଜର ମଙ୍ଗଳରେ ll
ଜ୍ଞାନର ସାଗର ପବନ କୁମର
ସୁଭାଶିଷ ଦିଅ ଢାଳି
ତୁମ ନାମ ଭଜି ଦୁଃଖ ଯାଉ ହଜି
ଏତିକି ମାତର ଅଳି ll