ସ୍ୱାଧୀନତାର ଅମୃତ ମହୋତ୍ସବ

ଉତ୍ସବ ମୁଖର        ସହର ନଗର

      ଦେଶବାସୀ କରେ ଗର୍ବ 

ବର୍ଷ ପଞ୍ଚସ୍ତରୀ      ଯାଇଛି ଯେ ପୁରି

      ସ୍ୱାଧୀନତା ମହୋତ୍ସବ ll

ତ୍ରିରଙ୍ଗା ଉଡୁଛି        ସ୍ମୃତି ବଖାଣୁଛି

        ପରିଭାଷା ଵୀରତ୍ୱର 

ଏକତା ମନ୍ତ୍ରର         କରୁଛି ପ୍ରଚାର

        ସ୍ମାରକୀ ଆମ ଦେଶର ll

ସତ୍ୟ ଶାନ୍ତି ଭରା       ଦେଶ ପରମ୍ପରା

        ସଭିଏଁ ଭଉଣୀ ଭାଇ

ପ୍ରଗତି ପଥରେ        ଭାତୃତ୍ୱ ଭାବରେ

       ଅଗ୍ରସର ଏକ ହୋଇ ll

ସ୍ୱାଧୀନ ଦେଶର      ଆମେଯେ ନାଗର

        ଭାରତର ଗାଥା କହି 

ଦେଶ ମାତୃକାର       ସେବା ଓ ଭକ୍ତିର

        ଭାବନାର ପର୍ବ ଏହି ll

ଦେଶର ସେବକ       ନରେନ୍ଦ୍ର ମୋଦିଙ୍କ

       ଜାତୀୟତା ଆହ୍ୱାନରେ

ଉତ୍ସବ ଅମୃତ          ସରାଗେ ପାଳିତ

       ଜୟହିନ୍ଦ ସ୍ଲୋଗାନରେ ll

ଦେଶର ସୈନିକ         ଅସ୍ତ୍ରରେ ନିର୍ଭିକ

         ମାତୃଭୂମି ସୁରକ୍ଷିତ

ସହୀଦଙ୍କ ପାଇଁ          ଶ୍ରଦ୍ଧାଞ୍ଜଳି ଦେଇ

       ସ୍ମୃତିରେ ଗାଅ ସଂଗୀତ ll

କୃଷକ ଶ୍ରମିକ            ବଣିକ ଶିକ୍ଷକ

        ଧନ୍ୟ ଦେଶ ବୈଜ୍ଞାନିକ

ତୁମରି ସେବାର          ମୂଲ୍ୟ ପ୍ରକାଶର

         ପରବ ଜୟ ସେବକ ll

ଜାତୀୟ ଏକତା          ପ୍ରକାଶେ ବାରତା

         ଉଦ୍ଦେଶ୍ୟ ଯେ ଉତ୍ସବର

ମାତୃଭୂମି ସେବା          ଉତ୍ସାହେ କରିବା

         ଶିଖିବା ସ୍ୱାର୍ଥ ତ୍ୟାଗର ll

କରିବା  ସ୍ମରଣ        ଗାଥା ବଳିଦାନ

        ଦେଶଭକ୍ତ  ଭାଗ୍ୟବାନ

ତାଙ୍କ  ଆଦର୍ଶରେ       ଗଢି ବ୍ୟକ୍ତିତ୍ୱରେ

        ରଖିବା ଦେଶ ସମ୍ମାନ ll

ଗର୍ବରେ  କହିବା        ଶ୍ରଦ୍ଧାରେ କହିବା

        ଭାରତ ମାତାକି ଜୟ

ମାତୃଭୂମି  ସେବା       ପାଇଁ ମନ ଦେବା

         ଭାରତର ହେଉ ଜୟ ll