ମଶାଣୀ ଜୁଇ
ମଶାଣୀ ଜୁଇ
ମଶାଣୀ ଜୁଇ ମୋର ଶେଷ ଠିକଣା
କାଳିଆ ରେ ଦେ ଟିକେ ତୋର କରୁଣା
ଦୁଇ ଦିନ ଏଇ ମଣିଷ ଜୀବନ
ଧନ ଯଉବନ ସବୁ ଅଢେଇ ଦିନ
ଲୋଭ ମାୟାରେ ଭରିଛି ସଂସାର
କେହି ନୁହେଁ ଏଠି ଅତି ଆପଣାର ।
ଦୁନିଆ ଦାଣ୍ଡରେ ମୁଁ ହୁଏ ବାଟବଣା
କାଳିଆ ରେ ଦେ ଟିକେ ତୋର କରୁଣା ।।
ଛଅ ଖଣ୍ଡ କାଠ ରେ ଦେହ ଜଳିବ
ସବୁ ଅଭିମାନ ଭାଙ୍ଗି ଚୁନା ହେବ
ସବୁ ଛାଡି ଦିନେ ଜୀବ ଚାଲି ଯିବ
ବନ୍ଧୁ ସଖା କେହି ସାଥେ ନ ଯିବ ।
ହସି ହସି ଚାଲି ଯିବି ଶୁଭୁ ଥିବ କାନ୍ଦଣା
କାଳିଆ ରେ ଦେ ଟିକେ ତୋର କରୁଣା ।।
ଆଶା ସାଗର କୂଳେ ନୀତି ଘୁରି ବୁଲେ
ଆଶାର କେବେ ଅନ୍ତ ହୋଇ ନ ପାରେ
ତୋ ବିନା ଆଉ କିଏ ହେବ ନିଜର
ଅଶାନ୍ତି ରେ ଭରା ଜୀବନ ମୋର ।
ତୋତେ ଝୁରୁ ଅଛି ପଡି ମୋ ଅଗଣା
କାଳିଆ ରେ ଦେ ଟିକେ ତୋର କରୁଣା ।।