ନମୋ ଜ୍ଞାନବନ୍ତ ପାର୍ବତୀ ତନୟ

ସିନ୍ଦୂର ଚର୍ଚ୍ଚିତ ତ୍ରିନେତ୍ର ଶୋଭିତ 

    ମୋ ହୃଦକନ୍ଦର ବିଜେ 

ଏକଦନ୍ତ ପ୍ରଭୁ ରିଦ୍ଧି ସିଦ୍ଧି ଦାତା 

    ଅଗ୍ରପୂଜ୍ଯ ସର୍ବ ସ୍ଥାନେ ।

ପ୍ରଭୁ ପ୍ରଜାପତି ବିଶ୍ବରୂପା ସୁତା

    ବିନାୟକ ଶ୍ରଦ୍ଧାକର୍ତ୍ତା 

ମହାଭାରତ ଗ୍ରନ୍ଥର ରଚୟିତା 

    ବ୍ଯାସଦେବ ଭକ୍ତିଗାଥା ।

ଧ୍ୟାନ ଭଗ୍ନ ନହେବା ପାଇଁ ମାତାଙ୍କ 

    ଦ୍ବାରେ ହେଲ ଦ୍ୱାରପାଳ 

ପାର୍ବତୀଙ୍କ ଅଙ୍ଗ ମଉଳିରୁ ଜାତ 

    ବିଘ୍ନହର୍ତ୍ତା ଲମ୍ବୋଦର ।

ଭୁବନ ମୋହନ ବିଘ୍ନ ବିନାଶନ 

    ଧରି ମୂଷିକ ବାହନ 

ପିତାମାତାଙ୍କ ଚତୁର୍ପାର୍ଶ୍ବେ ଭ୍ରମିଣ

    ଜିତିଥିଲ ତାଙ୍କ ମନ ।

ଚନ୍ଦନ କର୍ପୂର ଘିଅ ଧୂପ ଦୀପ 

    ସଙ୍ଗେ ଚୁଆ ଅଗୁରରେ 

ମୃଣ୍ମୟ ପ୍ରତିମା କଲେ ଆବାହନ 

    ମନସ୍କାମ ପୂର୍ଣ୍ଣ ହୁଏ ।

ପୂଜିଥିଲେ ଦିନେ ସେ ପଞ୍ଚୁପାଣ୍ଡବ 

    ତୋଷ କଲେ ଗ୍ରହ ଦୋଷ  

ଶ୍ରୀକୃଷ୍ଣଙ୍କ ଘରଣୀ ରୁକ୍ମିଣୀ ରାଣୀ

    ଦୋଷାଦୋଷୁ ହେଲେ ମୁକ୍ତ ।

ନମୋ ଜ୍ଞାନବନ୍ତ ପାର୍ବତୀ ତନୟ

    ଘେନ ମୋର ଭକ୍ତି ଅର୍ଘ୍ଯ 

ପର୍ଶୁଧାରି ପ୍ରଭୁ ପିନାକ ହସ୍ତାୟ 

    ପ୍ରହ୍ଲାଦରେ କୃପା ରଖ ।