ନମୋ ଗଣେଶ

  ଜୟ ଜୟ ବିଘ୍ନେଶ୍ୱର   ବିଘ୍ନ ବିନାଶକ 

  ନମୋ ପ୍ରଭୁ ଲମ୍ବୋଦର   ସିଦ୍ଧି ପ୍ରଦାୟକ !

  ଅଗ୍ର ପୂଜ୍ୟ ଗଜାନନ    ଅତି ବୁଦ୍ଧିମାନ 

  ଅଯୋନି ଶମ୍ବୁତ ପ୍ରଭୁ    ଗୌରୀ ନନ୍ଦନ ¡

  ଏକ ଦନ୍ତ ଗଣେଶ୍ୱର    ରିଦ୍ଧି ସିଦ୍ଧି ଦାତା 

  ସର୍ବ କାର୍ଯ୍ୟରେ ସର୍ବଦା   ତୁମକୁ  ବାରତା !

  ସରସ ହରଷ ଚିତ୍ତ      ମଙ୍ଗଳ ମୂରତି 

  ଧନ ମାନ ଲୋଡା ନାହିଁ    ମାଗୁନି ସମ୍ପତ୍ତି !

  ଦିଅ ପ୍ରଭୁ ଦିବ୍ୟ ଜ୍ଞାନ    ବୁଦ୍ଧି ଓ ଶକତି 

  ସଂସାର କଲ୍ୟାଣ ଅର୍ଥେ  ବଳୁ ମୋର ମତି !

  ମୂଷିକ ବାହାନ ତୁମ     ତୀକ୍ଷ୍ମ ବୁଦ୍ଧି ଧାରି 

  ଅବିଳମ୍ବେ ସର୍ବ କାର୍ଯ୍ୟ    ଦେଉଥାନ୍ତି ସାରି !

  ଭସ୍ମ ହେଉ ଅଙ୍ଗୁ ମମ    ଷଢ଼ ରିପୁ ଗୁଣ

  ଶିରେ ମୋର ଭରି ଦିଅ   ସଦଭାବ ପଣ !

  କରି ଦିଅ ନମ୍ର ମୋତେ  ଭରି ଦିବ୍ୟ ଶକ୍ତି

  ସଦା ସର୍ବଦା ଆତ୍ମା ମୋ  ପାଉ ଦିବ୍ୟ ଶାନ୍ତି !

  ନମୋ ଗଜେନ୍ଦ୍ର ବଦନ   ପାର୍ବତୀ ସୁତାୟ 

  ଚତୃଭୁଜ ପର୍ଶୁଧାରି      ପିନାକ ହସ୍ତାୟ !

  ଶରଣ ଚରଣେ ତଵ     ରଖଏ ଅଜ୍ଞାନେ 

  ଜୟଜୟ ଗଣାଧିଶ     କ୍ଷମ ଅକିଞ୍ଚନେ ।।