Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Jayashree Maharana

Tragedy Thriller Others

4  

Jayashree Maharana

Tragedy Thriller Others

ନିରାଶ୍ରୟ

ନିରାଶ୍ରୟ

1 min
244


ଆହା କି ଦାରୁଣ ସାଜିଲା ବିଧାତା

ଲୁଟିନେଲା ସବୁ ସୁଖ

କୁନି ଛୁଆ ଦୁଇ ଝୁରି ହେଉଛନ୍ତି

ବାପା ମାଆଙ୍କର ମୁଖ ।


କୁଆଡୁ ଆସିଲା କରୋନା ବଇରୀ

ସାଜିଲା କାହିଁକି କାଳ

ବାପା ଚାଲିଗଲେ ଅଜଣା ରାଇଜେ

ଭାଙ୍ଗିଲା ମାଆର ବଳ ।


ବାପାଙ୍କ ଶୂନ୍ୟତା ଦେଉଥିଲା ଦୁଃଖ

ବୁଝିଲାନି ଯମ ମନ

ମାଆ ଚାଲିଗଲା ବାପାଙ୍କର ପାଶେ

ଦୁଇ ଛୁଆ ହୀନିମାନ ।


ନିରାଶ୍ରୟ ହୋଇ ଖୋଜି ହେଉଛନ୍ତି

ବାପାମାଆଙ୍କର ସ୍ନେହ

କିଏ ସେ ଖୁଆଇ ଦେବ ଗେଲକରି

କିଏ ପୋଛିଦେଵ ଲୁହ ।


କାହା ସାଥେ ଆଉ ଅଳି ସେ କରିବେ

ଚକୋଲେଟ ଆଣିଦିଅ

ରଜ ଆସିଲାଣି ବାପା ଆମପାଇଁ

ନୂଆ ଜାମା କିଣିଦିଅ ।


କିଏ ଆଉ କୋଳେ ଶୁଆଇ କହିବ

ନାନା ବାୟା ଗୀତ ଗପ

କିଏ ଆଉ ତାଙ୍କ ଦୁହିଁଙ୍କର ପାଇଁ

କରିବ ଯେ ଜପତପ ?


ବୁଲାଇନେବ କେ ଯାତରା ମେଳାକୁ

ଖେଳନା ଟେ କିଣିଦେଵ

ବାପା ମାଆ ବିନା ଜୀବନ କିଏ ସେ

ସମାଜରେ ଗଢ଼ିଦେଵ ?


ବାହାର ଦୁନିଆ ବୁଝିବା ଆଗରୁ

ଦୁନିଆକୁ କରି ଦୂର

କେମିତି ସହୁଛି ଈଶ୍ୱରଙ୍କ ହୃଦ

ନୁହେଁ କିବା ଅବିଚାର ?


ନିରାଶ୍ରୟ ଆଖି ଲୁହ ପୋଛିବାକୁ

ନାହିଁ ତାଙ୍କ ବାପାମାଆ

ଜୀବନ ପଥରେ ଦୁଇ ନୀରିହଙ୍କ

ନାହିଁ ଆଉ କିଏ ସାହା ।


ନିରାଶ୍ରୟ ସାଜି ଦୁଃଖ ସାଗରରେ

ହେଉଛନ୍ତି ଦୁହେଁ ଘାଣ୍ଟି

ମୁଖକୁ ତାଙ୍କର ଦେଖିଦେଲେ ଥରେ

ଛାତି ଯାଉଅଛି ଫାଟି ।



Rate this content
Log in