ଭାଷାର ଅଧିକାର ମିଳୁ
ଭାଷାର ଅଧିକାର ମିଳୁ
ସମ୍ବିଧାନେ ଅଛି ଶିକ୍ଷା ଅଧିକାର
ବିଚ୍ଛନ୍ନାଚଳରେ ମିଳୁ,
ଦ୍ବିତୀୟ ଭାଷାଟି ଝାଡ଼ଖଣ୍ଡ ରାଜ୍ୟେ
ଓଡ଼ିଆରେ ଶିକ୍ଷା ମିଳୁ ।
ବହି ମିଳୁ ନାହିଁ ଓଡ଼ିଆ ଭାଷାର
ଓଡ଼ିଆ ଶିକ୍ଷକ ନାହିଁ,
କିପରି ପଢିବେ ଓଡ଼ିଆରେ ପାଠ
କାହାରିତ ଧ୍ୟାନ ନାହିଁ ।
ଓଡ଼ିଆ ଭାଷାକୁ ହଟାଇ ଦେଲେଟି
JPSC ପରୀକ୍ଷାରୁ,
କେଉଁ ଉଦ୍ଦେଶ୍ୟରେ ହେଲା ଏହୁ କାର୍ଯ୍ୟ
ଆମ ଭାଷା ଅଧିକାରୁ ।
ଓଡିଶା ବିଚ୍ଛନ୍ନା ବିଚ୍ଛନ୍ନାଚଳଟି
ଭାଷା ଶୁନ୍ୟ ଅଛି ଏବେ,
ବିହାର ଅଧିନେ ଥିଲା ଯେବେ ଭୂମି
ଭାଷାପୂର୍ଣ୍ଣ ଥିଲା ତେବେ ।
ଶିକ୍ଷକ ଭି ଥିଲେ ଓଡ଼ିଆ ଭାଷାର
ବହି ମିଳୁ ଥିଲା ତେବେ,
ଝାଡ଼ଖଣ୍ଡ ରାଜ୍ୟୁ ଶୂନ୍ୟ ସବୁ ହେଲା
ହୁଏ ଆନ୍ଦୋଳନ ଏବେ ।
ବିହାରୁ ଅଲଗା ହେଲା ପୁଣି ଭୂମି
ରାଜ୍ୟ ଝାଡ଼ଖଣ୍ଡ ହେଲା,
ଭାଷାର ଗୌରବ ଆମ ଅଧିକାର
ସବୁ କିଛି ଶୁନ୍ୟ ହେଲା ।
ମଝି ଧାରେ ଛାଡି ଅଦେଖା କାହିଁକି
ଧ୍ୟାନ ପଡୁ ନାହିଁ କାର,
ଦୁଇ ସରକାର କରନ୍ତୁ ଟି ଚିନ୍ତା
ମିଳୁ ଆମ ଅଧିକାର ।
ଓଡିଶା ରାଜ୍ୟକୁ ଗୁହାରି ଆମର
ପଡୁ ଧ୍ୟାନ ଭାଷା ପ୍ରତି,
ବିଚ୍ଛନ୍ନାଚଳରେ ଓଡ଼ିଆ ରେ ଶିକ୍ଷା
ମିଳୁ ଜନଜନ ପ୍ରତି ।
ଆମେ ଝାଡ଼ଖଣ୍ଡୀ ଆମ ଝାଡ଼ଖଣ୍ଡ
ଓଡ଼ିଆ ଭାଷୀ ହିଁ ଆମେ,
ଓଡ଼ିଆ ରେ ଶିକ୍ଷା ଆମ ଅଧିକାର
ଦ୍ବିତୀୟ ଭାଷୀ ଭି ଆମେ ।
କାହିଁ ପାଇଁ ଏଠି ବହି ମିଳୁ ନାହିଁ
ଓଡ଼ିଆର ଶିକ୍ଷା ପାଇଁ,
ଓଡ଼ିଆ ସ୍କୁଲେ ଓଡ଼ିଆ ଶିକ୍ଷକ
ନ ଦିଅ ଟି କାହିଁ ପାଇଁ ।
ପରୀକ୍ଷାରୁ କିମ୍ପା ବଞ୍ଚିତ କରୁଛ
ଚିନ୍ତା ଲାଗୁ ଅଛି ଏବେ,
ଦ୍ବିତୀୟ ଭାଷାର ମାନ୍ୟତା ମିଳିଛି
ପରୀକ୍ଷାରେ ନାହିଁ ଏବେ ।
ଆନ୍ଦୋଳନ ଖାଲି ଭାଷା ପାଇଁ ଆମ
ଆନ୍ଦୋଳନ ବହି ପାଇଁ,
ଓଡ଼ିଆ ଶିକ୍ଷକ ବିଚ୍ଛନ୍ନାଚଳରେ
ଆନ୍ଦୋଳନ ତାହା ପାଇଁ ।
ବଞ୍ଚିତ ନକର ଓଡ଼ିଆ ଭାଷାକୁ
ଏହୁ ଆମ ମାତୃଭାଷା,
ରହୁ ପରୀକ୍ଷାରେ ଆମ ମାତୃଭାଷା
ଦ୍ବିତୀୟ ଏ ରାଜ୍ୟ ଭାଷା ।
ସମ୍ବିଧାନେ ଅଛି ଶିକ୍ଷା ଅଧିକାର
ବିଚ୍ଛନ୍ନାଚଳରେ ମିଳୁ,
ଦିତୀୟ ଭାଷାଟି ଝାଡ଼ଖଣ୍ଡ ରାଜ୍ୟେ
ଓଡ଼ିଆରେ ଶିକ୍ଷା ମିଳୁ ।