ମାନବିକତା ପ୍ରଶ୍ନ କରୁଛି
ମାନବିକତା ପ୍ରଶ୍ନ କରୁଛି
ଆଶ୍ଚର୍ଯ୍ୟ ଲାଗେ ଆଜି ,ଯେବେ ମାନବିକତା କରେ ପ୍ରଶ୍ନ ,
ସ୍ଵାର୍ଥେ ଅନ୍ଧ ହୋଇ ମଣିଷ ,କେମିତି କାଟୁଚି ଦିନ |
ମୋହ ,ମାୟା ,ଗର୍ବ ,ଅହଙ୍କାର ମନରେ ବାନ୍ଧିଚି ଘର ,
ମିଥ୍ୟା ଅଧର୍ମର ପୂଜାରୀ ହୋଇଛି ,ଧର୍ମକୁ କରିଛି ପର |
ଜାତି ଧର୍ମ ସବୁକୁ ତରାଜୁରେ ତୋଳି ,ଆଖିଠାର ମାରୁଛି,
ସ୍ୱାର୍ଥ ପାଇଁ ଆଜି ମଣିଷ ହୋଇ ,ପଶୁ ସାଜିଛି |
ଭୁଲିଛି ନିଜର ବିବେକ ,ଭୁଲିଛି ଯେତେ ତାର ସଂସ୍କାର ,
ଅଵିଵେକୀ ହୋଇ ଲଜ୍ଜ୍ୟା କରେ ନାହିଁ ,ଭୁଲିଛି ବ୍ୟବହାର |
ବଳବାନ ସାଜି ଶୋଷଣ କରୁଛି ,ଦୁର୍ବଳ ତାର ଶିକାର ,
ପ୍ରତିବାଦ କଲେ ,ହସି ହସି ସିଏ କରେ ଅତ୍ୟାଚାର |
ଦୁଖୀ ରଙ୍କି ଯେତେ ,ପାଆନ୍ତି ଭର୍ଚ୍ଛନା ହୋଇ ହତାଦର ,
ଶିକ୍ଷିତ ହୋଇ ଆଜି ଯୁବକ ବୁଲନ୍ତି ,ହୋଇଛନ୍ତି ବେକାର |
ପାପି ମନ ତାର କିଛି ମାନେନାହିଁ ,କରେ ବ୍ୟଭିଚାର ,
କାମବାସନାରେ ମତୁଆଲା ହୋଇ ,କରୁଛି ସିଏ କେତେ ବଳାତ୍କାର |
ଦୟା ଭାବ ତାର ଆଜି ,ସିଏ ହଜାଇ ଦେଇଛି ,
ଦେଖି ତାକୁ ଆଜି ଏବେ ,ମାନବିକତା ପ୍ରଶ୍ନ କରୁଛି |
ମାନବିକତା ପ୍ରଶ୍ନ କରୁଛି ,ଆଜି କାହିଁକି ଏପରି କରୁଛି ?
ଆଧୁନିକତାର ଦ୍ୱାହି ଦେଇ ସିଏ ,ନିଜକୁ ବଞ୍ଚାଇ ଚାଲିଛି |
ହୃଦୟ ତାହାର କେମିତି କେଜାଣି ଆଜି ପଥର ସାଜିଛି ?
ବାରମ୍ବାର ଆଜି ସବୁ ଦେଖି ,ମାନବିକତା ପ୍ରଶ୍ନ କରୁଛି |
ମଣିଷ ହୋଇ ସିଏ ଆଜି ଜୀବନର ମନ୍ତ୍ର ଭୁଲିଛି ,
ଜୀବଜନ୍ତୁ ସଭିଙ୍କ ଯନ୍ତ୍ରଣା ଦେଖି ,ମାନବିକତା ପ୍ରଶ୍ନ କରୁଛି |
ମୃତ୍ୟୁ ଅଟେ ସତ୍ୟ ,ଜାଣି ସିଏ ଅଜଣା ହେଉଛି ,
କାହିଁପାଇଁ ଆଜି ଏମିତି ହେଉଛି ?ମାନବିକତା ପ୍ରଶ୍ନ କରୁଛି |
ତାକୁ ଦେଖି ଆଜି ବିଧାତା ଲୁଚି ଲୁଚି କାନ୍ଦୁଚି ,
ସୁଧାରିନି ନିଜକୁ ଆଜି କାହିଁକି ମାନବିକତା ପ୍ରଶ୍ନ କରୁଛି |