ପ୍ରେମୀ ପତଙ୍ଗ

ପତଙ୍ଗ ଅଜ୍ଞାତ  ଯୁଦ୍ଧ ବିଭୀଷିକା

    ରଣାଙ୍ଗନ ବାସ୍ତବତା,

ଯନ୍ତ୍ରଣା ଜଞ୍ଜିରେ  କବି କବଳିତ

    କୃପାଣେ କଲମ ଚିନ୍ତା ।

ସୁରମ୍ୟ ପ୍ରାସାଦ  ଶବ୍ଦ କଳେବର 

    ବାସ୍ତବ ପର୍ଣ୍ଣ କୁଟୀର,

ହେ ପତଙ୍ଗ ତୁମ   ମଳୟ ସମୀର

    ବାସ୍ତବେ ଶୁଷ୍କ କହର ।

ତୈଳହୀନ ଦୀପେ  ଆଶା ଆଲୋକିତ

      ବୃଥା ମରୁଭୂମି ଚାଷ,

ଜଳହୀନ କୁମ୍ଭ   ଉଚ୍ଚାଟ ଉଦଘୋଷେ

      ବିଭ୍ରାନ୍ତକ ଅଣଚାଷ ।

ପ୍ରୀତି ପରାଙ୍ଗମ   ପୃଥକ ପ୍ରାଚୀର

     ବାସ୍ତବତା ମେରୁଦଣ୍ଡ,

ଜୀବନ ପ୍ରଦୀପ   ଦୀପ୍ତି ଅସମର୍ଥ

     ଜୀବନର ମାନଦଣ୍ଡ ।

ପ୍ରେୟସୀ ପତଙ୍ଗ  କର ହେ ପ୍ରସ୍ଥାନ

    ସ୍ଥାନ ତୁମ ଉଦ୍ୟାନରେ,

ନିର୍ଦ୍ଦୟ  ଅନଳ  ଆବୃତ  ଗରଳ

    ପ୍ରୀତି ଥାଉ ଦୂରେ ଦୂରେ ।