Library
Profile
ଦ୍ୱିତୀୟ ଈଶ୍ୱର
ଦ୍ୱିତୀୟ ଈଶ୍ୱର
1 min
234
ଜ୍ୱଳନ ତା' ଭାରି ଆପଣାର !
ପୋଛିବାକୁ ଦାଗ କଳଙ୍କର
ନାଶିବାକୁ ସମୂଳେ ଅନ୍ଧକାର ।
ବହୁଥାଏ ସ୍ୱେଦ କପାଳର
ଧୋଇବାକୁ କଳଙ୍କ ଭାସ୍ୱର
ଜ୍ୱଳନ ତା' ଭାରି ଆପଣାର !
ଅର୍ଦ୍ଧକୁଞ୍ଚ ଶିରାଳ ଶରୀର
ପୂର୍ଣ୍ଣଗର୍ଭା ବାରୁଦ ଭଣ୍ଡାର
ନାଶିବାକୁ ସମୂଳେ ଅନ୍ଧକାର ।
ନିସତବିହୀନ ସେ ଅମର
ଭୋକହୀନ, ତୃଷ୍ଣାହୀନ ଉଦର
ଜ୍ୱଳନ ତା' ଭାରି ଆପଣାର !
ଲଜ୍ଜାହୀନ, ମାଗେ ବାରମ୍ବାର
ଲେପିବାକୁ ହସରେ ଅଧର
ନାଶିବାକୁ ସମୂଳେ ଅନ୍ଧକାର ।
କିଏ କହେ ପିତା ସ୍ୱର୍ଗ ମୋର
ମୁଁ କହେ ସେ ଦ୍ଵିତୀୟ ଈଶ୍ୱର
ଜ୍ୱଳନ ତା' ଚିର ସହଚର !
ନାଶିବାକୁ ସମୂଳେ ଅନ୍ଧକାର ।
