ମଧୁରାତି -ଏକ ଗଜଲ

କୁହ ତୁମେ ଆଉ କେତେ ରାତି ବାକି ଅଛି 

ପଚାରନା ଆଉ କେତେ ତାତି ବାକି ଅଛି ।

ପଡ଼ିଗଲା ଯବନିକା ଚୋରା ପୀରତିରେ

ଛାପିଦେବା ଆଉ କେତେ ସ୍ମୃତି ବାକି ଅଛି ।

ନଈ ଭଳି ଧାଇଁଛି ମୁଁ ସାଗର ମୁହାଣେ

ସୁମର ନା' ଆଉ କେତେ ଇତି ବାକି ଅଛି ।

ଜାଳିଦିଏ ତନୁମନ ପ୍ରଣୟ ଆସକ୍ତି

(ପଚାରନା)ପତଙ୍ଗକୁ ଆଉ କେତେ ନୀତି ବାକି ଅଛି ।

ଦେଇତ ସାରିଛ ପାଦ ଅଜଣା ଦୀପରେ

ଭୁଲିଯାଅ ଆଉ କେତେ ଭୀତି ବାକି ଅଛି ।

କହେ 'ମୁନ୍ନା' ତୁମେ ନିଆଁ ହୃଦୟେ ଲଗାଇ

ଜାଳିଯାଅ ଆଉ କେତେ ବସ୍ତି ବାକି ଅଛି ।