ଭକ୍ତି ଆରାଧନା

ପହଡ ଖୋଲିକି ଦେଖ ଜଗନ୍ନାଥ

ତୁମରି ଦୁଆରେ କିଏ

ଚିହ୍ନି କି ପାରୁଛ ଯା ଡାକ ଶୁଣିନ

ପଡ଼ି ତୁୁୁମେ କାହା ମୋହେ 

ପ୍ରଭୁ ହେ , ଭକ୍ତ କି ତୁମର ନୁହେଁ (ଘୋଷା )

ତୁମେ ତ ତାରିିଲ ଅହଲ୍ୟା ସୁନ୍ଦରୀ

ତୁମେ ତ ତାରିିିଲ ଧ୍ରୁବ

ତୁମ ବଡ଼ ଦାଣ୍ଡ ବନ୍ଦ ହୋଇଗଲେ

ମୁକତି କେଉଁଠୁ ହେବ 

ସିଂହ ଦୁୁଆରରୁୁ ଯାଉଁଳି ବେତରୁ

ପାପ ପରା ଧୋଇ ଯାଏ

ପ୍ରଭୁ ହେ , ଭକ୍ତ କି ତୁମର ନୁହେଁ ।

ଦୁଆର ପକାଇ ଜଗତ ଗୋସାଇଁ

ପାଉଛ କି ତୁମେ ସୁଖ 

କଳା ବଦନର ଦର୍ଶନ ନୋହିଲେ

ଲିଭିବ କି କେବେ ଦୁଃଖ

ତୁମେ ପରା ପ୍ରଭୁ ସର୍ବ ଚରାଚର

କାହିଁକି ବଞ୍ଚିତ ରୁହେ

ପ୍ରଭୁ ହେ , ଭକ୍ତ କି ତୁମର ନୁହେଁ ।

ସେ କଦମ୍ବ ମୂଳ ଏ କଳପ ବଟ

ବେନି ସ୍ଥାନ ଏକା ପରି 

ମୁରଲୀ ବଜାଇ ଗୋପିଙ୍କକୁ ନଚାଇ

ସଂସାରୁ ନେଲ ହେ ତାରି

ଆଜି ତ ଭକତ ମାଗୁ ନାହିଁ କିଛି

ଚରଣ ତୁଳସୀ ଚାହେଁ

ପ୍ରଭୁ ହେ , ଭକ୍ତ କି ତୁମର ନୁହେଁ ।