ବାଲ୍ୟ ସଖା

ବହୁ ବ୍ୟବଧାନେ ଦୁଇ ସଖାଙ୍କର

ହୋଇଛି ଆଜି ମିଳନ

କେତେ ଆନନ୍ଦିତ ହୋଇ ଉଲ୍ଲାସିତ

ବନ୍ଧୁ ଦୁହିଁଙ୍କର ମନ।

ଭାଗ୍ୟ ତ ଆମର ଏକତ୍ର କରିଛି

ମନ ଭରି ଗପିବାକୁ

ଯେତେ ଇଚ୍ଛା ଅଛି ଗପିବାରେ ଆମେ

ପରସ୍ପର ବୁଝିବାକୁ

ସମୟ ସ୍ରୋତରେ ବଦଳି ଯାଇଛି

ଆମର ଜୀବନ ସ୍ରୋତ 

ଦିନ ବଦଳିଛି ବୟସ ଗଡିଛି

ଅଭୁଲା ଆମ ଅତୀତ।

କେତେ ଯେ ସୁନ୍ଦର ଆମ ବାଲ୍ୟକାଳ

ଵିତାଇଥିଲୁ ଯେ ଆମେ

ହସି ଖେଳି ନାଚି ଗୀତ ଗାଇ ଗାଇ

ପଢୁଥିଲେ ଆମେ ଦୁହେଁ।

କା ବାଡ଼ି ପିଜୁଳି ପକେଟରେ ଧରି

ଲୁଚାଇ ଖାଇଛୁ ତୋଳି

ଶେଷେ ଧରାପଡ଼ି ଖାଇଥିଲେ ଗାଳି

ମନକୁ ନେଇଛୁ ସମ୍ଭାଳି।

ବିଧିର ବିଧାନ ଅତୀଵ ବିଚିତ୍ର

ସେ ସମୟ ଆଉ ନାହିଁ

ଯେତେ ବି ଖୋଜିଲେ ମିଳିବନି ତାହା

ଯାଇଛି ସ୍ମୃତିଟେ ହୋଇ।