ତୁମେ ତ ପାରିଲନି ବୁଝି

ତୁମ ଛବି ଦେଖି ଦେଖି

ଆଖି ଲୁହ ସାରିଛି. 

ତୁମ ପାଇଁ ଲେଖି ଲେଖି

କଲମ ମୋର ହାରିଛି.... I 

ହାୟ! ସେ ଦର୍ପଣ ହୁଏ ମ୍ରିୟମାଣ 

ମୋ ଆଖିର ଲୁହ ଦେଖି.  

ସତେ କି ଝରଣା ହୁଏ ବାଟବଣା

ଝରିଝରି ଯାଏ ଶୁଖି.... I 

ଶବ୍ଦ ବିନା ମୋର କବିତା 

ତୁମକୁ ସଦା ଲୋଡ଼ୁଛି  

ତୁମ କେଇ ପଦ କଥା 

ମୋର ହୃଦୟେ ବୋଳିଛି.... I 

ତୁମକୁ ଆଖି ଆଗେ ଦେଖି 

ଲେଖୁଥିଲେ କିଛି କିଛି  

ଭୋକଶୋଷ ଅବା ଅବଶୋଷ

ହୃଦୟେ ମୁଁ ଭୁଲି ପାରୁଛି....I 

ବିଶ୍ଵାସରୁ ବରଷିବା ପ୍ରେମ ବରଷା 

ନିଃଶ୍ୱାସକୁ ଓଦା କରିବ  

ଏ ଋତୁ ପ୍ରତାରଣାର ଲୋକହସା 

ଲୁହ ସାଗରେ ଢେଉ ଖେଳିବ.... I 

ଏରୁଣ୍ଡି ସେପଟେ ଶ୍ରାବଣ ଆସିଛି 

ଭିଜିବାକୁ ତୁମେ ନୁହଁ ତ ରାଜି  

ନିଗୋଡ଼ି ସପନ ଧସେଇ ପଶୁଛି 

ମୋର ସପନକୁ ଦେଲ ଭାଜି.... I 

ମନର ମଇନା ଖୋଜୁଥାଏ ସଦା 

ଖେଳାଇଦିଅ ସେ ଘନ କୁନ୍ତଳେ  

ଆଖି ଚାହେଁ ଆଦର ସମ୍ଭାଷଣେ 

ଆଲିଙ୍ଗନ ଆଉ ପ୍ରୀତି ଚୁମ୍ଵନେ.... I 

ଅଭିସାର ରଚି ତନ୍ୱି ରୂପ ଶିଖାରେ 

ଉରଜ ସରୋଜେ ଅର୍ପଣେ ତୁମ  

ସମାଧିସ୍ଥ ଲଭୁ ବାସନା ବାସର 

ଅମର ହେଉ ଏଇ ପ୍ରେମ........ I