ନାଁ ତା'ର ଜୀବନ
ନାଁ ତା'ର ଜୀବନ
ବୟସ ଥିଲେ ସାଥିରେ ପଇସା ନାହିଁ ପାଖରେ
ପଇସା ଅର୍ଜିଲେ ବ୍ୟସ୍ତରେ ସମୟ କାହିଁ ପଚାରେ ?
ବେଳେବେଳେ ପଇସା, ବୟସ , ସମୟ
ଥାଏ ସବୁ କିଛି
ହାତ ପାଆନ୍ତାରେ ଡାକ କୁହାଟରେ ଆଦେଶ ହେଣ୍ଟାଳରେ
ଥାଏ ସବୁ କିଛି
ହେଲେ ହାଏରେ ଥକାମନ
ହେଲେ ହାଏରେ ଭୁଲାମନ
ସମ୍ପର୍କ ନଥାଏ
ସମ୍ବନ୍ଧ ନଥାଏ
ଖସି ଯାଇଥାଏ ଦୂରେ ପେଶି ।
ବନ୍ଧୁତ୍ୱ ବନ୍ଧା ପଡ଼ିଥାଏ ସ୍ଵାର୍ଥର ଫାଶରେ
ଗର୍ବ ଅହଂକାର ଅହମିକାର ଅମଡ଼ା ବାଟରେ
ଅଜବ ଏ ଖେଳ ବିଚିତ୍ର ତାର ନିୟମ
ନା ତା'ର ଜୀବନ
ମଣିଷ କ୍ରୀଡନକ ସାଜି କରୁଥାଏ
ନାଚ ପଞ୍ଚମ ତାନ ।
କିଏ କହେ ଆସିଛି ଲଙ୍ଗଳା ହୋଇ
ଯିବ ଶୂନ୍ୟହସ୍ତେ
ଆସିଛି ଭାଗ୍ୟର ଦୋଳିରେ ଝୁଲି
ଯିବ କର୍ମ ରାସ୍ତେ ।
ଅଜବ ଏ ଖେଳ ସଚ୍ଚିତ୍ର ତା'ର ନିୟମ
ନାଁ ତାର ଜୀବନ
ଅଧମ ଅକ୍ଷମ ମଣିଷ ହାତେ ତା'ର
ଖେଳେ ହୋଇ ବାମନ ।