ଜୟ ଜଗନ୍ନାଥ

ମୁଁ ପାଇଲେ ଦୁଃଖ ତୁମକୁ କି ସୁଖ

ମିଳୁଛି କଳା ଠାକୁର....

କେଉଁ ଅଭିମାନେ ମୋ ପାଇଁ କି ତୁମେ

ସାଜିଛ ମୁକ ପଥର ।

ଜାଣି ନାହିଁ ତୁମ ପୂଜା ଆରାଧନା

ତେଣୁ କି ବହିଛ ରୋଷ.....

କହିଦିଅ ଥରେ ଆସି ମୋ ସପନେ

କଲି ଅବା କେଉଁ ଦୋଷ ।

ଦୀନ ଜନ ବନ୍ଧୁ, କରୁଣାର ସିନ୍ଧୁ

କିଏ ଦେଲା ନାମ ତୁମ

କେଉଁ ବଡ଼ ପଣେ ସାରା ଜଗତରେ

ବଡ଼ ଠାକୁର ତୋ ନାମ ।

ସାରା ଜଗତର ଡାକ ଶୁଣୁଅଛ

ରତ୍ନ ସିଂହାସନେ ବସି

ମୋ ଡାକ କି ତୁମ କାନେ ପଡୁନାହିଁ

ଆହେ ଶ୍ରୀକ୍ଷେତ୍ର ନିବାସୀ ।

ତୁମ ପାଦେ ଆଶ୍ରା କରିଛି ଭରସା

ନିରାଶ କରନା ହରି

ମୋ ଜୀବନ ତରୀ କରି ନିଅ ପାରି

ହେ ମୋର ବିଶ୍ୱ ନାଉରୀ ।

ଜୟ ଶ୍ରୀ ଜଗନ୍ନାଥ ସ୍ୱାମୀ