ସ୍ମୃତି (୨୭) ପୁଣି ଥରେ ବର୍ଷା
ସ୍ମୃତି (୨୭) ପୁଣି ଥରେ ବର୍ଷା
କଥା ଥିଲା ତମେ ମୋତେ ଦେଖାଇବ
ହରରଙ୍ଗୀ ଦୁନିଆର ପ୍ରତିଟି ରଙ୍ଗ
ଏବେ କିନ୍ତୁ ବାହାରେ ବର୍ଷା କହି ଠକୁଛ
କେମିତି ଏତେ ସହଜରେ ଦେଇ ଛତ୍ରଭଙ୍ଗ ,
ଉଦବେଳିତ ମନ ମୋର ପଚାରୁଛି ତମକୁ
ତମାମ ପ୍ରଶ୍ନର ଉତ୍ତର ଗୋଟି ଗୋଟି
ତମ ମନ କିନ୍ତୁ ଶୁଣୁନି ବୋଧେ କିଛି
ହଜିଛି ଯାଇ ଆଜିକାଲି ଅନ୍ୟ କେଉଁଠି ,
ତମ ଆଖିର ସେଇ ଅଗଣିତ ଭାଷା
ଏବେ ଲାଗେ ଅଙ୍ଗ ପରିପକ୍ୱ ଅଭିନୟର
ସାରା ଜୀବନ ତୁମରି ମୋହରେ କାଟିଦେଲି
ଅଧୁନା ମୁଁ ତମ ପାଇଁ ଗୋଟାପଣେ ପର ,
ସତ କୁହ କେବେ ଶିହରିତ ହୁଅନି
ଅତୀତର ସ୍ମୃତି ସବୁ ତମକୁ ଛୁଇଁ ଦେଇ ଗଲେ
ଏମିତି ବୁଝିବା ପଣ କେଉଁଠୁ ପାଇଲ
ଖୁସି ଅଛ ନିରନ୍ତର ଆଉ କେ ଜିଇଁଲେ ମରିଲେ ...... ।