ଲାଇବ୍ରେରୀ
ପ୍ରୋଫାଇଲ୍
ନିଃସଙ୍ଗତା
ନିଃସଙ୍ଗତା
1 min
203
ମଣିଷ ଜୀବନରେ ବେଳେବେଳେ
ଏପରି ନିଃସଙ୍ଗତା ମାଡ଼ିଆସେ
ଅହେତୁକ ଝଡ଼ର ସମ୍ଭାର ନେଇ
ସେତେବେଳେ ବ୍ୟକ୍ତିଟି ନିଃସଙ୍ଗତାର ପରିଧିରେ
ବନ୍ଧକ ହେଇଯାଏ
ବନ୍ଦୀଶାଳାର ବନ୍ଦୀଟେ ହେଇ ||
ତା' ଚାରିପାଖରେ କେବଳ
ସ୍ଥଗିତ ସମୟ ଅଙ୍ଗୁଳି ନିର୍ଦ୍ଦେଶ କରେ
ଫଟା ଭାଗ୍ୟର ଶୂନ୍ୟତାକୁ ନେଇ
ଦୁଇ ହାତରେ ତାର ଅସହାୟତାର ବେଡ଼ି
ଆଉ ମନ ଆକାଶରେ
ଅନ୍ଧକାରର ସଂଘର୍ଷତା ।
ଅନାଗତ ଭବିଷ୍ୟତ ପାଇଁ ଆକ୍ତାମାକ୍ତା
ଭାବନାରେ ଦେଖେ ଆଗତ ଭବିଷ୍ୟତକୁ
କେତେବେଳେ ସେ ଭୟରେ ଭୀତତ୍ରସ୍ତ ତ
ପୁଣି କେତେବେଳେ ଅଶରୀର
ଆଗତ ଆଶା ଓ ଆଶଙ୍କାରେ ମନପ୍ରାଣ ତାର ଶୀହରିତ ହୋଇଉଠେ ।।
ଖାଲି ହୃଦୟ ପାରାବାରେ ଖୋଜେ
ତାର ଚିହ୍ନା ଅଚିହ୍ନା ଅତୀତକୁ
ଆଉ ବିଶ୍ଳେଷଣ କରିବସେ
ମନ ଦରଜାର କାନଭାଷେ
ସୁଖ ଦୁଃଖର ମିଛ ମିଛିକା ଅନୁଭୂତିକୁ ||
କେତେ ଘଟଣାକୁ ମନେରଖେ
ପୁଣି କେତେକ ଘଟଣ ଅଘଟଣକୁ
ଚାପିରଖେ ନିଜ ଛାତିର ଶାମୁକାରେ
ସବୁ ଜିନିଷକୁ ଗଣ୍ଠିଲି କରି ଧରିରଖେ
ହୃଦୟର ଏକ ନିଭୃତ କଣରେ
ସତେକି ସର୍ବଂସହା ମାଆ ପରି ।।
