ତୁମ ନୀରବତା

ତୁମ ନୀରବତା ମନେ ମୋର କାହିଁ

ସନ୍ଦେହର ନିଆଁ ଜାଳେ ,

ତୁମପାଇଁ ଆଜି ମନ କାରାଗାରେ

ନିରୋଳାରେ ଲୁହ ଢାଳେ ।

ତୁମ ଆଖି ମୋତେ ସପନ ଦେଖିବା

ପାଇଁ କହିଥିଲା ଦିନେ ,

ଭୁଲିଗଲ କିବା ସେଦିନର କଥା

ନାହିଁ ଆଜି ତୁମ ମନେ ।

ନିରିଜନ ସେହି ସଂଜ ଗୋଧୂଳିର

ଗାଆଁ ପାଖ ନଈ କୂଳେ ।

ତୁମ ନୀରବତା (୧)

ଭୁଲିକି ଯାଇଛି ସ୍ରୋତସ୍ୱିନୀ ନଦୀ

ସାଗର ଠିକଣା କେବେ ,

ଲୁହର ସ୍ମୃତିକୁ ଭୁଲିଛି କି କେବେ

ଭିଜିଥିଲା ଓଠ ଯେବେ

ତୁମ ନିରବତା ମୋମନରେ କିଆଁ

ସନ୍ଦେହର ଘର ତୋଳେ ।

ତୁମ ନିରବତା ( ୨ )