ତୁମ ନୀରବତା

ତୁମ ନୀରବତା ଦେଉଛି ଯନ୍ତ୍ରଣା

ଅଥୟ କରୁଛି ମତେ,

ଦୀର୍ଘ ତିନି ମାସ ବ୍ୟତୀତ ହେଲାଟି

କଥା କୁହ ନାହିଁ ମତେ ।

ଅପରାଧ ମୁହିଁ କରି ନାହିଁ କିଛି

ନୀରବତା କାହିଁ ପାଇଁ,

ହସ ଖୁସି ନାହିଁ ଗୃହରେ ଆମ୍ଭର

ଏହୁ ହୁଏ କାହିଁ ପାଇଁ ।

ନୀରବତା ଦେଖି ସନ୍ତାନ ତୁମ୍ଭର

ନୀରବେ କାଳ କାଟନ୍ତି,

ମାତୃ ସ୍ନେହ ତାଙ୍କୁ ନିଅଁଟ ହେଉଛି

ସ୍ନେହ ଦିଅ ତାଙ୍କୁ ଚିନ୍ତି ।

କାର୍ଯ୍ୟ କରୁ ଅଛ ନୀରବେ ରହିଣ

ନୀରବତା କାହିଁ ପାଇଁ,

ଯଦି କିଛି ଭୁଲ କରି ଅଛି ମୁହିଁ

କର କ୍ଷମା ଗୃହ ପାଇଁ ।

ନୀରବତା ଭାଙ୍ଗି ହସି ଦିଅ ଥରେ

ବିନତି କରୁଛି ମୁହିଁ,

ଗୃହର ମଙ୍ଗଳେ ନୀରବତା ଛାଡ

ସନ୍ତାନକୁ ଦେଖ ଚାହିଁ ।

ଖୁସିର ସଂସାର ଚିନ୍ତା ମଗ୍ନ ଆଜି

ନୀରବତା ଯୋଗୁଁ ତୋର,

ତୋର ନୀରବତା ଅଥୟ କରୁଛି

କାନ୍ଦୁଛି ସର୍ବାଙ୍ଗ ମୋର ।

ଦିଅଁଙ୍କ ମନ୍ଦିରେ ପୂଜୁ ଅଛି ନିତ୍ୟେ

ଏହୁ ନୀରବତା ପାଇଁ,

ଜଗନ୍ନାଥ ପ୍ରଭୁ କରିବେଟି ଦୟା

ଗୃହର ମଙ୍ଗଳ ପାଇଁ ।

ଆହେ ଜଗନ୍ନାଥ ଦୟା କର ଥରେ

ନୀରବତା ତାଙ୍କ ଭାଙ୍ଗୁ,

ହସି ଉଠୁ ଗୃହ ତହରି ଦୟାରେ

ଏହୁ ନୀରବତା ଭାଙ୍ଗୁ ।