Library
ନିଳାଦ୍ରୀ ବିହାରୀ
ନିଳାଦ୍ରୀ ବିହାରୀ
ନିଳାଦ୍ରୀ ବିହାରୀ ଲୀଳା କରୁଛନ୍ତି
ନୀଳାଚଳ ଧାମେ ରହି
ନୀଳଚକ୍ର ବାନା ଉଡେ ଫର ଫର
ପତିତପାବନ ବାନା ସେଇ ।
ଚାଲ ଦୁଃଖି ମନ ନୀଳାଚଳ ଧାମ
ବଡ ଦାଣ୍ଡରେ ଚାଲିବ
ଚାଲୁଥିଲା ବେଳେ ନୀଳଚକ୍ର ଦେଖି
ଦୁଇ ହାତ ଟେକି ଦେବ ।
ସିଂହଦ୍ଵାର ପାଶେ ଅରୁଣ ସ୍ତମ୍ବ
ମଥା ନୁଆଇଁ ରହିବ
ପତିତ ପାବନ ଦର୍ଶନ କରି
ଭିତରକୁ ଚାଲି ଯିବା ।
ବାଇଶି ପାହାଚ ଗଣି ଗଣି ଯିବା
ହେଲେ ହେଉ ଯେତେ ଡେରି
ଆଗକୁ ଆଗକୁ ପାଦ ବଢ଼ାଇବା
ଦେଖିବାକୁ ନିଳାଦ୍ରୀ ବିହାରୀ ।
ଭକ୍ତଙ୍କ ଭିଡ଼ରେ ଠେଲା ପେଲା
ଥୟ ଧରି ଛିଡ଼ା ହେବା
ଗରୁଡ଼ ଖମ୍ବ ପଛରେ ରହି
ଦାରୁ ଦେବତା ଦେଖିବା ।
ଦୁଇ ହାତ ଟେକି ନିବେଦନ ସହ
ମନର ଦୁଃଖକୁ କହିବା
ରତ୍ନ ସିଂହାସନେ ବିରାଜିତ
ଚତୁର୍ଦ୍ଧା ମୂର୍ତ୍ତି ଦେଖିବା ।
ହାତ ଯୋଡ଼ି ଆଖି ବନ୍ଦ କରି
ହୃଦୟ ରେ ସ୍ଥାନ ଦେବା
ରତ୍ନ ସିଂହାସନ ଦରଶନ କରି
ବେଢ଼ା ଭିତରେ ବୁଲିବା ।
ପାର୍ଶ୍ଵ ଦେବ ଦେବୀ ଦର୍ଶନ କରିବା
ଚାରିଆଡେ଼ ବୁଲିବୁଲି
କଳ୍ପବଟ ମୂଳେ କିଛି ସମୟ ବସିବା
ମନର ଦୁଃଖକୁ କହିବା ଖୋଲି ।
ପାର୍ଶ୍ଵ ଦେବ ଦେବୀ ଦରଶନ କରି
ଆନନ୍ଦ ବଜାର ଯିବା
ପେଟ ପୁରା ଖାଇ ଅଭଡ଼ା ପ୍ରସାଦ
ମୁଣ୍ଡରେ ହାତ ପୋଛିବା ।
ନିଳାଦ୍ରୀ ବିହାରୀ ସୁମରି ମନରେ
ଦୁଃଖ କହିବୁ ଦୁଃଖ ମନର
ଡୋରି ଲାଗି ରହୁ ଏ ଦୁଃଖୀ ମନରେ
ଆସିବାକୁ ନୀଳାଚଳ ବାରମ୍ବାର ।
