ନୀରବତା

ଦେଖ ! ଚାରିଆଡେ଼ ନୀରବତା।

ଆଉ ଶୁଭୁନାହିଁ 

ଚାଳ ଉପରେ କାଉର କାଆ..

ଗଞ୍ଜାର କକର କଅ

କୋଇଲିର କୁହୁକୁହୁ 

ନା ହଳଦୀ ବସନ୍ତର କୁରୁଳୁ କୁରୁଳୁ ?

କୃଷକର ହଳିଆ ଗୀତ

ତଳିରୁଆ ନାରୀର ସଙ୍ଗୀତ ମୂର୍ଚ୍ଛନା

କ୍ଷେତରୁ ଧାନଭାର ବୋହୁଥିବା ମଣିଷ

ନା ପାହାନ୍ତି ପ୍ରହରରେ ବେଙ୍ଗଳା ?

ରଜପର୍ବରେ ଦୋଳିର ସଙ୍ଗୀତ

ବିବାହ ବେଦୀରେ କନ୍ଯା

ନା ଝିଅର ବିଦାୟ କାଳୀନ ବାପା ?

ଗାଈ ହମାରଡି଼ କରୁନି

କୁକୁର ଭୁକୁଛି ନା 

ଜଙ୍ଗଲରେ ବାଘ,ଭାଲୁ ଆଉ ଶିଆଳର ଗର୍ଜନ ?

ସବୁଆଡେ଼ ଖାଲି ନୀରବତା

ସଙ୍ଗୀତ ରସରେ ଭିଜିବା କେହି ବି ଚାହୁଁନି

କି ଭଲ ପାଉନି ବୋଧହୁଏ 

ଏ ସଂସାର,ନୁହେଁ ?