ନୀଳକନ୍ଦରର ନୀଳମଣି

ନୀଳକନ୍ଦରର ନୀଳମଣି ତୁ ଯେ

         ଡାକିଲୁ ଇଶାରା ଦେଇ

ଭକତି ପସରା ଦୃଦୟରେ ଭରି

         ଶ୍ରୀ କ୍ଷେତ୍ରେ ଯାଉଛି ମୁହିଁ

          ତୋର ଦରଶନ ପାଇଁ ।1।

ଭାବ ଭକ୍ତି ପ୍ରେମ ଚାହାଣି ତୋହର

         ତୁଣ୍ଡେ ସଦା ତୋ ବନ୍ଦନା

ଭକତି ହୃଦୟେ ଅଭୁଲା ସ୍ମୃତି ତୁ

         ନିନ୍ଦାର କାଚ ଆଇନା

ଭାବରେ ବାନ୍ଧିଛୁ କେତେ ଦୁଖୀ ରଙ୍କି

         ବଡଦାଣ୍ଡେ ଛନ୍ତି ରହି

         ନୀଳଚକ୍ରେ ତୋର ଚାହିଁ l2l

ଅରୁଣ ସ୍ତମ୍ଭଟି ଟିକିଏ ରହିବି 

         ନୀଳଚକ୍ର ବାନା ଚାହିଁ

ବାଇଶି ପାହାଚ ଧୂଳି ମୁଣ୍ଡେ ବୋଲି

          ବେଢାରେ ବୁଲିବି ଯାଇ

ମନ ଲୋଭା ତୋର ସେ ରୂପ ଦର୍ଶନେ

         ରତ୍ନ ସିଂହାସନେ ଥାଇ

         ଗରୁଡ ପଛରେ ରହି ।3।