ନୀଳ ନୀରବତା

ଉତ୍ସୃଙ୍ଖଳ କେଶରାଶି

ମନ ରେ ମୌନ ନୀରବତା

ନିର୍ଲଜ ନୟନ ପ୍ରାନ୍ତେ ସତେ ଅବା

ସ୍ୱପ୍ନଲୀନା ନୀଳ ନୀରବତା ll

ଉତ୍ତୁଙ୍ଗ ଲହରୀ ଖେଳେ

ନବ ଯୌବନ ରେ ଅଙ୍ଗେ ଅଙ୍ଗେ

ସତେ କି ମଧୁପ ଭ୍ରମେ

କୁମୁଦିନୀ ଦେହ ର ତରଙ୍ଗେ ll

ନିର୍ଜନତା ଆଜି କହେ...

ଶୀତଳ କବରୀ ଦେହେ

ସତେ ଅବା ସାଗର ତରଙ୍ଗେ

ବିମୋହିତ ପ୍ରାୟେ... ll

ସୁନୀଲ ଜଳଧି ଗାଏ

ଜୀବନ ର ଗୀତ

ଉଜ୍ଜଭାସଇ ଜ୍ୟୋତ୍ସ୍ନା ରେ ଆଜି

ଶୁକ୍ଳ ଶରୀର ବିଧୌତିତ ll

ବିପୁଳ ବେଦନା ବିଦ୍ଧେ

ସତେ ଅବା ହୃଦ କାନନ ରେ

ଦେହେ ତାର ଶୀତଲତା

ପ୍ରିୟ ଆଗମନେ... ll

ଓଠ ତାର ପଦ୍ମରାଗେ

ସୁକୋମଳ ଅତି...

ଅଳସୀ କନ୍ୟା ସେ ଅଟେ

ଅଟେ ସେ ସୁକେଶୀ ll

ରମ୍ଭା, ମେନକା ର ତୁଲେ

ରୂପେ ସିଏ ଅଟେ ପଦ୍ମାବତୀ

ନୀଳ ନୟନା ସେ ତାର

ନିରବ ଚାହାଣି.....

କହିଦିଏ ଜୀବନ ର ଅନେକ କାହାଣୀ ll