ନିଃସଙ୍ଗତା
ନିଃସଙ୍ଗତା
ନିଃସଙ୍ଗତା ଆଣିଦିଏ ନିରୋଳା ନିର୍ଜନ
ନିଦାଘେ ନଗ୍ନ ବୃକ୍ଷ ସମ ନିଦାରୁଣ
ନିର୍ଜନ ଦୀପର ନିର୍ବାସନ ସମ ଦିନ
ନିୟତିର ନିହିତ ଏ ଭାବୁଥାଏ ମନ ।
ନିଃସଙ୍ଗତା ଗଢି ତୋଳେ ନିରସ ଜୀବନ
ନିଃସଙ୍ଗତା ଭରିଯାଏ ନୀତିରେ ଯେ ନ୍ୟୁନ
ନଶ୍ୱର ଜୀବନେ ତୋଳେ ବିଷର ସଉଧ
ନିଜ ଦୋଷେ ପ୍ରାଣୀ ମରେ କୁହନ୍ତି ବିବୁଧ ।
ନଶ୍ୱର ଶରୀରେ ଆତ୍ମା ଥାଏ ତ ବନ୍ଧୁତ୍ୱେ
ନେପଥ୍ୟେ ମରଣ ଡାକେ ନିଃସଙ୍ଗତା ପଥେ
ନ ଯାଏ ସାଥିରେ କେହି ହୋଇଲେ ମରଣ
ନିଃସଙ୍ଗତା ଖାଲି ନିଃସଙ୍ଗତା ବୁଝି ହୁଏନି କାରଣ ।
ନିଃସଙ୍ଗତା ଲାଭ କରି ସାଧୁସନ୍ଥେ ବନେ
ନିରସ ମନରେ ଭରେ ନୈପୁଣ୍ୟ ନିସ୍ଵନେ
ନ୍ୟାର୍ଯ୍ୟ ଜୀବନର ନୈବେଦ୍ୟ କରନ୍ତି ଅର୍ଜନ
ନିଃସଙ୍ଗତା ସାଧୁ ସନ୍ଥେ ସୁସ୍ଥ ନିକେତନ ।