ନିଦାଘର ଚର୍ଚ୍ଚା

ଆକାଶରୁ ଅଗ୍ନି ବର୍ଷା

ମାଟି ଆଁ ମେଲି ପିଇ ଚାଲିଛି

ଦେହ ଝରଣାରେ ଜୁଡୁବୁଡୁ

ତାଳୁରୁ ତଳିପା ଯାଏଁ

ନିଦାଘର ଚର୍ଚ୍ଚା ଚାରିଆଡେ ।

ଶାଖାମୃଗମାନେ ଲୁଚିଛନ୍ତି ପତ୍ର ଉହାଡରେ

କଦବା କ୍ଵଚିତ୍ ବିହଙ୍ଗ କରେ ଅବଲୋକନ

ମହମହ ବାସେ ଆମ୍ବ ପଣସ

ଖରା ଜାଳିଦେବ ଚମଡା ଏ ବରଷ ।

ତଥାପି ଥକିନି ଜୀବନ

ବଞ୍ଚିବା ପାଇଁ ଅହରହ ସଂଘର୍ଷ

ମୁଣ୍ଡରେ ଓଦା ଗାମୁଛା ଭିଡି

ବାପା ବୋହି ଚାଲିଛି ମାଟି

ମାଆ ଗୋଟୋଉଚି ଶୁଖିଲା କାଠ

ଆଉ ପିଲାଟି ପ୍ଲାଷ୍ଟିକ୍ ଏକାଠି କରୁଛି

ବଞ୍ଚିବା ପାଇଁ ନିଇତି ମରୁଛି ।

ଏସି ଚଲେଇ ବନ୍ଦ କୋଠରୀରେ

ଟିଭି ଚଲେଇ ଥଣ୍ଡା ପାନୀୟ ପିଇ

ଓ୍ଵା ହ୍ଵାଟ୍ ଏ ସମର କହି

ମସଗୁଲ ମଡର୍ଣ୍ଣ ସମ୍ଭ୍ରାନ୍ତ

କାଳବୈଶାଖୀ ଘେରେ ବୁଲି ଯାଉଛି

କରିବାକୁ ରୌଦ୍ର ତାପର ଆଂଶିକ ଅନ୍ତ ।।