ନହଜୁ ନିଜ ଠିକଣା
ନହଜୁ ନିଜ ଠିକଣା
ପ୍ରବଳ ପଶ୍ଚିମା ବହେ ଖରତର
ନିଶା ଡାକେ ସାଇଁ ସାଇଁ
ଘୋର ଅରଣ୍ୟରେ ନିରୀମାଖି ଏକା
କାନ୍ଦୁଅଛି ତଅପୋଇ ।
ହଜିଯାଇଅଛି ତା ନିଜ ଠିକଣା
ଗେଲବସରର ଦିନ
ଆହା ବୋଲି କେହି କହିବାକୁ ନାହିଁ
ବିଚାରୀ ସେ ଭଙ୍ଗାମନ ।
ତା ରୁପା କୁଲେଇ ସୁନାରୂପା ଚାନ୍ଦ
ମିଠା ମିଠା ଚୂନା ସ୍ୱପ୍ନ
ହଜିଗଲା କେଉଁ ଅଜଣା ଦ୍ୱିପରେ
ଦୁଃଖେ କଟେ ଆଜ ଦିନ ।
ତା ପାନ ପଟୁଆ ଗୁଆ ଖିଲିକାତି
ସାତଭାଇ ସୈ।ଦାଗର
ଫେରିକି ଆସିବ ତା ସୁଖ ସୁଦିନ
ଉଜ୍ଜ୍ୱଳିବ ପୂର୍ବାଚଳ ।
ସ୍ୱାର୍ଥ ଦାବାନଳ ଜଳେ ଦାଉ ଦାଉ
ରାଇଜ ମୋ କଳା ଧୂଆଁ
ସଜାଡ଼ି ଦିଅ ମୋ ଉଜୁଡିବା ଘର
ନହେଉ କେ ବାଟବଣା ।
ଜୟ ଜଗନ୍ନାଥ କାଳିଆ ସାଆନ୍ତ
ଦିଅ ଶୁଭ ସଦବୁଦ୍ଧି
ନହଜୁ ଠିକଣା ଆତ୍ମ ପରିଚୟ
ସ°ସାର ନିଜ ସମ୍ବନ୍ଧୀ ।